اقمولا وبلىسى اۋماعىندا «الماتى-ەكاتەرينبۋرگ» تاسجولىنىڭ 1095-شاقىرىمىندا جول اپاتى بولىپ, ەكى ادام كوز جۇمدى, ونىڭ ءبىرى - 10 جاسار قىز بالا, دەپ حابارلايدى Egemen.ءkz تىلشىسى.
جول اپاتى تۋرالى شىلدەنىڭ 19 كۇنى ساعات 00:50-دە استراحان اۋداندىق پب كەزەكشى بولىمىنە حابارلانعان.
الدىن الا مالىمەت بويىنشا, قوستاناي قالاسىنان قاراعاندىعا بەت العان «Chevrolet Lacetti» كولىگىنىڭ 31 جاستاعى جۇرگىزۋشىسى (تەمىرتاۋ قالاسىنىڭ تۇرعىنى) رۋلگە يە بولا الماي, كولىك اۋدارىلعان. جول اپاتى سالدارىنان تەمىرتاۋ قالاسىنىڭ تۇرعىندارى – 33 جاستاعى ەر ادام مەن 10 جاسار قىز بالا وقيعا ورنىندا كوز جۇمدى. جۇرگىزۋشى مەن ءۇش جولاۋشى ءتۇرلى دەنە جاراقاتىمەن استراحان اۋداندىق اۋرۋحاناسىنا جاتقىزىلعان.
«وسىعان بايلانىستى قىلمىستىق كودەكستىڭ 345-بابى 4-بولىگى بويىنشا سوتقا دەيىنگى تەرگەۋ شارالارى قولعا الىندى», دەدى اقمولا وبلىستىق پد ءباسپاسوز قىزمەتى.