بيىل قازاق ادەبيەتىنىڭ الىپ بايتەرەگى شەرحان مۇرتازانىڭ تۋعانىنا توقسان جىل تولىپ وتىر. مەرەيلى داتاعا وراي وبلىس اكىمى نۇرجان نۇرجىگىتوۆتىڭ قولعا الۋىمەن قايراتكەر قالامگەردىڭ تۋعان توپىراعى جامبىل وڭىرىندە اتقارىلاتىن ءىس-شارالار از ەمەس.
بۇعان دەيىن قالامگەردىڭ ەسكەرتكىشى قاي كوشەگە ورناتىلاتىنى ەل ىشىندە ابدەن تالقىلانعان بولاتىن. الەۋمەتتىك جەلى بەلسەندىلەرى دە ءوز ۇسىنىستارىن جەتكىزىپ جاتتى. كۇنى كەشە جەرگىلىكتى قالامگەرلەر مەن زيالى قاۋىم وكىلدەرىنەن قۇرالعان كوميسسيا مۇشەلەرى ناقتى شەشىم شىعاردى. كوميسسيا توراعاسى, «كونە تاراز» قوعامدىق قورىنىڭ پرەزيدەنتى مۇراتبەك ءازىموۆتىڭ ايتۋىنشا شەراعانىڭ ەسكەرتكىشى جامبىل داڭعىلىنىڭ بويىندا بوي كوتەرەدى.
ء«بىراز ۋاقىت بۇرىن ءوڭىر باسشىسى نۇرجان نۇرجىگىتوۆ شەرحان مۇرتازانىڭ توقسان جىلدىق تورقالى تويىنا وراي ەڭسەلى ەسكەرتكىش ورناتۋ كەرەكتىگىن ايتىپ, جاۋاپتى تۇلعالارعا شەگەلەپ تۇرىپ تاپسىرما بەرگەن بولاتىن. ءوز سوزىندە وبلىس اكىمى ەسكەرتىشتى قاي كوشەنىڭ بويىنا ورنالاستىرۋ كەرەكتىگىن حالىقپەن كەڭەسىپ شەشۋ قاجەتتىگىن ايتتى. كەيىننەن ەسكەرتكىشتىڭ ەسكيزدىك ۇلگىسىنە قاتىستى بايقاۋ ۇيىمداستىرىلدى. قازاقستاننان بولەك, وزبەكستان, قىرعىز رەسپۋبليكاسى ەلدەرىنەن دە ۇمىتكەرلەر قاتىستى. ناتيجەسىندە, 17 ءمۇسىننىڭ ۇلگىسى قارالدى. كوميسسيا مۇشەلەرى ولاردىڭ ىشىنەن ۇزدىك دەپ تاپقان ۇشەۋىن تاڭدادى.
ەندى ەسكەرتكىشتى ورنالاستىرۋ ماسەلەگە اينالدى. جۇرت تولە بي داڭعىلىنىڭ بويىنداعى «استانا» شاعىن اۋدانىنداعى قالامگەر تۇرعان ءۇيدىڭ, «شاحريستانداعى» جازۋشى اتىمەن اتالاتىن رۋحانيات جانە تاريحتانۋ ورتالىعىنىڭ, ى.سۇلەيمەنوۆ كوشەسىنىڭ بويىنداعى «جاستار اللەياسى» جانە جامبىل داڭعىلىنىڭ بويىنداعى حالىقارالىق تاراز يننوۆاتسيالىق ينستيتۋتى جاتاقحاناسىنىڭ ماڭىنا ورنالاستىرۋ كەرەك دەگەن پىكىردى ءجيى ايتتى. ءبىز دە ابدەن اقىلداستىق. ناتيجەسىندە, كوميسسيا مۇشەلەرىنىڭ باسىم داۋسىمەن حالىقارالىق تاراز ينننوۆاتسيالىق ينستيتۋتى جاتاقحاناسىنىڭ الدىنا قويۋ تۋرالى شەشىم قابىلداندى. الداعى بىرەر كۇندە وسى شەشىم مەن ءۇش ۇزدىك ءمۇسىننىڭ ۇلگىسى نۇر-سۇلتان قالاسىنداعى مەملەكەتتىك كوميسسياعا جىبەرىلەدى. ناقتى شەشىمدى مەملەكەتتىك كوميسسيا قابىلدايدى, – دەيدى مۇراتبەك ءازىموۆ.
ەندى مەملەكەتتىك كوميسسيادان ماقۇلداۋ تۋرالى حابار جەتسە, ەسكەرتكىشتىڭ قۇرىلىس جۇمىستارى بىردەن باستالادى. قىسقاسى ءارى كەتسە كۇز مەزگىلىندە شەراعانىڭ بەينەسى جامبىل داڭعىلى №75 ا مەكەنجايىندا قاسقايىپ تۇراتىن بولادى.
جامبىل وبلىسى