شىمكەنتتە مەديتسينالىق جانە فارماتسەۆتيكالىق باقىلاۋ كوميتەتىنىڭ تۇركىستان وبلىسى بويىنشا دەپارتامەنتى باسشىسىنىڭ ورىنباسارى ەرلان قۇربانقوجاەۆقا قاتىستى ۇكىم شىقتى, دەپ حابارلايدى Egemen.kz.«
سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتىنىڭ مالىمەتىنشە, قۇربانقوجاەۆقا 27 ميلليون تەڭگە ايىپپۇل سالىنعان.
«مەديتسينالىق جانە فارماتسەۆتيكالىق باقىلاۋ كوميتەتىنىڭ شىمكەنت قالاسى بويىنشا دەپارتامەنتى باسشىسىنىڭ ورىنباسارى تۇرمانوۆ, «كاۋسار كلينيكاسى» جشس باسشىسى اداحاموۆ, «نيزام اتا» جشس وكىلى احماداليەۆ جانە نىشانباەۆ بىردەي ۇكىممەن 2 ميلليون تەڭگەدەن 20 ميلليون تەڭگەگە دەيىن ايىپپۇل تولەيدى», دەلىنگەن حابارلامادا.
ايتا كەتەيىك, قۇربانقوجاەۆ اداحاموۆ پەن نىشانباەۆتىڭ دەلدالدىعىمەن «نيزام اتا» جشس جانە «كاۋسار كلينيكاسى» مەديتسينالىق ورتالىعىنىڭ باسشىلىعىنان مەديتسينالىق قىزمەتپەن اينالىسۋعا ليتسەنزيا بەرۋ ءۇشىن 800 مىڭ تەڭگە كولەمىندە پارا الۋ كەزىندە ۇستالعان.
تۇرمانوۆ نىشانباەۆتىڭ دەلدالدىلىعىمەن بىرقاتار تۇلعادان كلينيكالىق تاجىريبەگە جىبەرۋگە مامان سەرتيفيكاتىن بەرۋ ءۇشىن جالپى سوماسى 60 مىڭ تەڭگە بولاتىن پارا العان.
ۇكىم زاڭدى كۇشىنە ەنگەن جوق.