ادام ارەكەت ەتسە, كاسىبىندە بەرەكە بولادى – ەلوردالىق كاسىپكەر

جوبانى وقىعاندار ءۇشىن بيزنەس-جوسپاردى ازىرلەۋگە كومەك كورسەتىلەدى جانە قارجىلاي گرانت بەرىلەدى. وسىنى ۇتىمدى پايدالانعانداردىڭ ءبىرى – ەلوردالىق ۇلجان مىرزاگەلديەۆا. ول «باستاۋ بيزنەس» جوباسى ارقىلى بيزنەس الىپپەسىن مەڭگەرىپ, مەملەكەتتەن گرانت العان. بۇگىنگى تاڭدا نۇر-سۇلتان قالاسىنداعى Bilim ALL وقۋ ورتالىعىن باسقارادى. جاقىندا ەكىنشى فيليالىن اشۋدى جوسپارلاپ وتىر.

«نەگىزگى ماماندىعىم – قازاق ءتىلى مەن ادەبيەتى ءپانىنىڭ مۇعالىمى. وسى ۋاقىتقا دەيىن مەكتەپتە جۇمىس ىستەدىم. بىراق ول كەزدە جالاقى از بولدى ءارى بالالارىما كوڭىل بولۋگە ۋاقىت كەلىسپەگەندىكتەن, مەكتەپتەن كەتىپ قالدىم. ءبىر كۇنى اۆتوبۋستا ەكى ايەل كىسىنىڭ «اتامەكەن» جوباسى تۋرالى ايتقانىن ەستىپ قالدىم. ۇيگە كەلىپ, انىقتاما تەلەفونىن تاۋىپ حابارلاستىم. ءسويتىپ, 2019 جىلى قاراشادا سوڭعى لەكپەن 24 كۇندىك بيزنەس-جوسپارعا بايلانىستى تەگىن كۋرسقا جازىلدىم. ارقايسىسىمىزعا 18 مىڭ شاكىرتاقى تولەندى. ءبىر توپتا 70 ادام وقىدىق. كۋرس سوڭىندا بيزنەس-جوبامىزدى قورعادىق. ءساتتى شىققان جوبالارعا 505 مىڭ تەڭگە گرانت بەردى. مەنىڭ العاش ۇسىنعان ماسساج كابينەتىن اشۋ تۋرالى جوبام گرانتتى جەڭىپ الدى. جەلتوقساندا كاسىپتى باستادىق. قىزمەتكەرلەردىڭ ءبىر ايلىق جالاقىسىن بەرگەن سوڭ, پاندەميا باستالىپ كەتتى. ءارى قاراي جالعاستىرمادىق. ويلانىپ جۇرگەندە, وزىمە جاقىن سالانى بايقاپ كورگىم كەلدى. سەبەبى ماماندىعىم مۇعالىم بولعان سوڭ بالالارعا جاقىن سالانى تاڭداعىم كەلدى. وسىلايشا ءوز قاراجاتىما كوپبالالى انالارمەن بىرلەسىپ, بايقوڭىر اۋدانىنان قاناتقاقتى جوبا رەتىندە وقۋ ورتالىعىن اشتىق. سوسىن «باستاۋ بيزنەس» جوباسى بەرگەن 505 مىڭ تەڭگە سەرتيفيكاتىمەن «جول كارتاسى-2025» جوباسىنا قاتىسۋعا مۇمكىندىك بار ەكەنىن ەستىدىم. ياعني بيزنەستى كەڭەيتۋگە بولادى. وسى جوباعا قاتىسىپ, جازدا 5 ملن گرانت ۇتتىم. كەيىن قاناتقاقتى جوبا رەتىندە اشىلعان ورتالىقتا قاراشادا سۇرانىس بولىپ, سارىارقا اۋدانىنداعى وسى Bilim ALL وقۋ ورتالىعىنىڭ جۇمىسىنا كىرىستىك», دەدى كاسىپكەر.

قازىر ورتالىقتا 115 وتباسىدان 208 بالا تەگىن ۇيىرمەلەرگە قاتىسادى. ءبىر وتباسىنداعى 5 بالا قاتىساتىندار دا بار ەكەن. مۇندا مەكتەپالدى دايارلىق, شەشەندىك ونەر, گيتارا, دومبىرا, ۆوكال, شاحمات, اعىلشىن ءتىلى بويىنشا ساباق جۇرگىزىلەدى.

«نەگىزى, «ارەكەتكە – بەرەكەت» دەگەن راس. قازىرگى ۋاقىتتا مەملەكەت تاراپىنان كومەك كوپ بەرىلەدى. ماسەلەن, باستاپقىدا سارىارقا اۋدانىنىڭ اكىمدىگى عيماراتتاردى تەگىن بەردى. كەيىن 2-3 ايدان سوڭ ءوزىمىز رەتتەلدىك. سونىڭ ارقاسىندا وسى جىلى عيمارات الىپ, ەكىنشى فيليالىمىزدى اشايىن دەپ وتىرمىز. ەكىنشى ورتالىعىمىز ءداستۇرلى ءان مەكتەبى بولادى. وندا بالالاردى ايتىس, جىراۋلىققا باۋلىعىمىز كەلەدى», دەدى ورتالىق باسشىسى.

«اتامەكەن» جوباسى بەرگەن بۇل گرانتتاردى كاسىپكەرلەر قايتارمايدى. تەك ۋاقىتىلى ەسەبىن بەرىپ وتىرادى. بۇل دا كاسىپ باستاۋشىلارعا كومەك دەسەك بولادى.

«بۇگىنگى تاڭدا ورتالىقتا 15 مۇعالىم جۇمىس ىستەيدى. جۇمىسپەن قامتۋ ورتالىعى جىبەرگەن 10 مامان جانە بۇرىننان ىستەپ كەلە جاتقان 5 مۇعالىم بار. الەۋمەتتىك جوبالاردى قولداۋ ءۇشىن جۇمىسپەن قامتۋ ورتالىعى ماماندار جىبەرىپ وتىرادى. ولاردىڭ ايلىعى – 91 مىڭ تەڭگە. بارلىعى مەملەكەت تاراپىنان تولەنەدى. كەلگەن جاس ماماندار بىزدەن تاجىريبە جيناپ, ءارى قاراي ەڭبەك جولىن جالعاستىرا بەرەدى», دەيدى ۇلجان مىرزاگەلديەۆا.

ورتالىقتا ەرەكشە قاجەتتىلىگى بار بالالار مەن كوپبالالى وتباسى بالالارى تەگىن قاتىسادى. بالا سانى كوپ بولعاندىقتان, قوسىمشا ورىنعا تىركەپ قويادى. ورتالىققا قاتىسۋشىلاردىڭ ءوز ەرەجەسى بار. ياعني وقۋشى 3 كۇن ساباققا سەبەپسىز قاتىسپاسا, ورنىنا قوسىمشا ورىنداعى بالا قاتىسادى. بۇل ەرەجە الدىن الا ەسكەرتىلەدى.

ء«بىر كۇنى وقۋشىم قىستا اياعىن سىندىرىپ العان. سودان اناسىنا «ۇلجان اپاي مەنى وقۋدان شىعارادى, بارماسام بولمايدى» دەپ جىلايدى ەكەن. ءسويتىپ, اناسى حابارلاسىپ, جاعدايدى ەسكەرتتى. سالماقتى سەبەپ بولعاندىقتان, تۇسىنىستىك تانىتتىق. بىزگە ەرەكشە قاجەتتىلىگى بار بالالاردى «باقىتتى شاڭىراق» قورى جىبەرەدى. ال جالپى 5-17 جاستاعى بالالاردى قابىلدايمىز», دەدى ۇلجان مىرزاگەلديەۆا.

ورتالىقتا, تەگىن ۇيىرمەلەردەن بولەك, اقىلى كۋرستار دا بار. بالا-لاردىڭ كوپشىلىگى شاحمات پەن گيتارا ۇيىرمەسىنە جازىلادى ەكەن. شاحماتتان قالالىق, وبلىستىق, رەسپۋبليكالىق تۋرنيرگە ءجيى قاتىسادى.

ء«بىزدىڭ ورتالىققا قالامىز¬داعى باسقا اۋدان بالالارى كەلە المايدى. سەبەبى ءار اۋداندا وسىنداي ورتالىق بار. الداعى ۋاقىتتا ۇيىرمە¬لەرگە كاراتە مەن ۇلتتىق ءبيدى قوسۋ ويىمىزدا بار», دەدى جوبا گرانتىنىڭ يەگەرى.

Bilim ALL وقۋ ورتالىعىنىڭ 50 وقۋشىسى لاگەرگە جولداما الىپ, دەمالىپ كەلگەن. بۇدان بولەك, بالقاشتاعى «بالداۋرەنگە» 10 بالا بارعان. ورتالىق باسشىسىنىڭ ايتۋىنشا, مۇنىڭ ءبارى مەملەكەت تاراپىنان بەرىلىپ وتىر.

«جۇمىسسىز جۇرگەن كوپبالالى انالارعا «بيزنەس باستاۋ» باعدارلاماسى وتە تاماشا دەپ ايتار ەدىم. مەن ءبارىن «نولدەن» باستادىم. سوندىقتان ءوزىڭ قىزىعاتىن سالادا كاسىپ اشۋ وڭاي. الەۋمەتتىك جوبالارعا قالالىق جانە اۋداندىق اكىمدىك ءجيى كومەكتەسەدى. سونىڭ دالەلى, بالالار كۇنىندە سارىارقا اۋدانىنىڭ اكىمدىگى وقۋشىلارى¬مىزعا تەگىن بالمۇزداق تاراتتى. قالا كۇنىندە «بايتەرەكتى» كورىپ, تەگىن كينو كورسەتتى. مۇنىڭ بارلىعى دا كەرەمەت قولداۋ دەپ بىلەمىن. سوندىقتان كەز كەلگەن ادام ارەكەت ەتسە, كەز كەلگەن كاسىبىندە بەرەكەت بولارى انىق», دەدى كاسىپكەر.

«باستاۋ بيزنەس» جوباسىنىڭ نەگىزگى ماقساتى – حالىقتى كاسىپكەرلىككە باۋلۋ ارقىلى ەكونوميكالىق بەلسەندىلىگىن ارتتىرۋ. «باستاۋ بيزنەس» جوباسىنا جۇمىسسىز جاستار, ونىڭ ىشىندە NEET ساناتىنا جاتاتىن قىز-جىگىتتەر, جاس وتباسىلار, از قامتىلعان جانە كوپبالالى وتباسى¬لار قاتىسا الادى.