دەنساۋلىق ساقتاۋ ءمينيسترى اجار عينيات قازاقستاندا كوروناۆيرۋستىڭ تارالۋى بويىنشا جاڭارتىلعان بولجامدى جاريالادى, دەپ حابارلايدى Egemen.kz.
ۆەدومستۆو باسشىسىنىڭ ايتۋىنشا, مينيسترلىك اي سايىن كوروناۆيرۋسقا قاتىستى بولجامدى جاڭارتىپ وتىرادى.
«پەسسيميستىك ستسەناري كەزىندە ءبىر تاۋلىكتە ناۋقاستاردىڭ سانى 4 مىڭعا دەيىن تىركەلۋى مۇمكىن. شىنايى ستسەناري كەزىندە تاۋلىگىنە 2 400-گە دەيىن انىقتالادى. ال وپتيميستىك ستسەناري جاعدايىندا وربىسە, وندا ءبىر تاۋلىكتە 1000-عا دەيىن ادام ىندەت جۇقتىرۋى ىقتيمال», دەدى مينيستر ورتالىق كوممۋنيكاتسيالار قىزمەتىندە وتكەن بريفينگتە.