2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوباعا بيىل 284 مىڭ ادام قاتىسىپ, 233,3 مىڭ ازامات جۇمىسقا ورنالاستى, دەپ حابارلايدى Egemen.kz.
ەڭبەك جانە الەۋمەتتىك قورعاۋ مينيسترلىگى ۇسىنعان اقپاراتقا سايكەس, جۇمىس بەرۋشىلەردىڭ وتىنىمدەرى بويىنشا كاسىپتىك وقىتۋعا 5,6 مىڭ ادام جىبەرىلدى. سونداي-اق ءوز كاسىبىن باستاۋعا نيەتتەنگەن 1,5 مىڭ ادامعا مەملەكەتتىك گرانت بەرىلدى.
«سۋبسيديالاناتىن جۇمىس ورىندارىنا 102 مىڭ ادام ورنالاستى. ونىڭ ىشىندە الەۋمەتتىك جۇمىس ورىندارىمەن - 12,1 مىڭ, جاستار پراكتيكاسىمەن - 9,7 مىڭ, قوعامدىق جۇمىستارمەن - 77,7 مىڭ ادام, «العاشقى جۇمىس ورنى» جوباسى اياسىندا - 1,4 مىڭ, «ۇرپاقتار كەلىسىمشارتى» جوباسى اياسىندا - 182 ادام, «كۇمىس جاس» جوباسى اياسىندا 816 ادام جۇمىسپەن قامتىلدى. سونداي-اق قىزمەت سالاسىن تاڭداۋ ماقساتىندا 34 مىڭنان استام ادام الەۋمەتتىك كاسىپتىك باعدارلاۋدان ءوتتى», دەلىنگەن ۆەدومستۆو حابارىندا.