باسىلىم رەيتينگى مما ۇيىمىمەن عانا شەكتەلمەيدى جانە ءارتۇرلى ليگالارداعى (UFC, Bellator, ONE FC جانە ت. ب.) جەكپە-جەك شەبەرلەرىن قامتيدى.
جارتىلاي ورتا سالماق دارەجەسى تۋرالى كەستەدە UFC-دە ونەر كورسەتىپ جۇرگەن قازاقستاندىق شاۆقات راحمونوۆ 13-ءشى ورىننان سەگىزىنشى ورىنعا كوتەرىلدى.
ەسكە سالساق, ماۋسىم ايىنىڭ سوڭىندا «نوماد» تۇنشىقتىرۋ ادىسىمەن امەريكالىق فايتەر نيل مەگنيدى جەڭگەن ەدى.
MMAFighting.com سايتى جاريالاعان ماتەريالدا شاۆكات راحمونوۆتىڭ UFC-دە ءتورت جەكپە-جەك وتكىزىپ, بارىندە جەڭىسكە جەتكەنى ايتىلعان.
سونداي-اق باسىلىم وسى ايدا راحمونوۆ 8-ءشى ورىنعا, بىردەن بەس پوزيتسياعا كوتەرىلگەنىن جازدى. ودان بولەك سپورتشىنىڭ داۋىس بەرۋ بيۋللەتەندەرىنىڭ بىرىندە 3-ءشى ورىنعا يە بولعانىن جانە قالعان التى پوزيتسيا بويىنشا ۇزدىك وندىقتان كورىنگەنى ايتىلدى.
ورتا سالماقتاعى مما سپورتشىلارىنىڭ تولىق رەيتينگى:
1. كامارۋ ۋسمان
2. كولبي كوۆينگتون
3. حامزات چيماەۆ
4. لەون ەدۆاردس
5. گيلبەرت بيورنس
6. بەلال مۋحامماد
7. ياروسلاۆ اموسوۆ
8. شاۆقات راحمونوۆ
9. ۆيسەنتە لۋكە
10. شون برەدي