قر ەكولوگيا, گەولوگيا جانە تابيعي رەسۋرستار مينيسترلىگى سۋ رەسۋرستارى كوميتەتى توراعاسىنىڭ ورىنباسارى دوسبول بەكماعامبەتوۆ سۋ سالاسىندا قابىلداناتىن شەشىمدەردىڭ عىلىمي نەگىزدەمەسىن قامتاماسىز ەتۋ قاجەت ەكەنىن ايتتى, دەپ حابارلايدى Egemen.kz.
«ول ءۇشىن قازاق سۋ شارۋاشىلىعى عىلىمي-زەرتتەۋ ينستيتۋتى بازاسىندا سۋ رەسۋرستارى جانە سۋ شارۋاشىلىعى پروبلەمالارى جونىندەگى عىلىمي-تالداۋ ورتالىعى قۇرىلادى», دەدى دوسبول بەكماعامبەتوۆ.
مينيسترلىك وكىلىنىڭ ايتۋىنشا, اتالعان شارالاردى قابىلداۋ ەلىمىزدىڭ سۋ سالاسىنىڭ جاعدايىن ەداۋىر جاقسارتۋعا جانە قازاقستاننىڭ سۋ قاۋىپسىزدىگىنە تونەتىن قاۋىپ-قاتەرلەرگە دايىندىعىن قامتاماسىز ەتۋگە مۇمكىندىك بەرەدى.