قر پرەمەر-ءمينيسترى ءاليحان سمايىلوۆ «Qazaqstan» ۇلتتىق تەلەارناسىنىڭ «جاڭا قازاقستان» باعدارلاماسىندا قازاقستاندا سالىناتىن اتوم ەلەكتر ستانساسى حالىقارالىق جوبا بولاتىنىن ايتتى, دەپ حابارلايدى Egemen.kz.
«قازىر ەلەكتر قۋاتى بالانسىن دايىندادىق جانە بولاشاقتا ەلەكتر ەنەرگياسىنا تاپشىلىقتىڭ ورىن الاتىندىعىن كورىپ وتىرمىز. سوندىقتان, اتوم ەلەكتر ستانساسىن سالماي, ءبىز بۇل ماسەلەنى شەشە المايمىز», دەدى ۇكىمەت باسشىسى.
ونىڭ ايتۋىنشا, قازاقستان ەكونوميكاسى ەلەكتر ەنەرگياسىمەن تولىق قامتاماسىز ەتىلمەسە, وندا ارى قاراي دامۋىمىز وتە قيىن بولادى.
«Cوندىقتان بۇل ماسەلە بويىنشا شەشىم قابىلدانىپ, ورنى بەلگىلەندى. ەندى ەنەرگەتيكا مينيسترلىگى دۇنيەجۇزىندە بار ءتيىستى وزىق تەحنولوگيالاردى قاراستىرىپ جاتىر. اقش, فرانتسيا, وڭتۇستىك كورەيا جانە ورىستاردىڭ تەحنولوگيالارىن زەردەلەپ, قاراستىرۋ ۇستىندە. جالپى, بۇل حالىقارالىق جوبا بولادى. ياعني, بىرنەشە مەملەكەتتەن ءارتۇرلى تەحنولوگيا تارتىلادى. سودان كەيىن ءتيىستى شەشىم قابىلانادى», دەدى ءاليحان سمايىلوۆ.