قارۋلى كۇشتەردە جاۋىنگەرلىك دايارلىقتىڭ ەكىنشى كەزەڭى, بولىمشەلەردى ۇيلەستىرۋ ءجۇرىپ جاتىر, دەپ حابارلايدى Egemen.kz.
پرەزيدەنتتىڭ ارميانىڭ جاۋىنگەرلىك ازىرلىگىن ارتتىرۋ جونىندەگى تاپسىرماسىن ىسكە اسىرۋ شەڭبەرىندە اسكەري بولىمدەردى جارتىجىلدىق تسيكل بويىنشا دايارلاۋ ءوتىپ جاتىر.
جاڭا ءتارتىپ اسكەرلەردى دايارلاۋ قارقىندىلىعىن ارتتىرۋعا, بولىمشەلەر جەكە قۇرامىنىڭ, ولاردىڭ كومانديرلەرى مەن باسقارۋ ورگاندارىنىڭ وقىتۋ دەڭگەيىن ارتتىرۋعا مۇمكىندىك بەرەدى. سونىمەن قاتار, وقۋ-ماتەريالدىق بازانى ۇتىمدى پايدالانۋعا, وق-دارىلەر مەن موتورەسۋرستاردى تۇتىنۋدىڭ ۇنەمدى تەتىكتەرىن ەنگىزۋگە باعىتتالعان جاڭا تاسىلدەر قالىپتاسۋدا.
ودان بولەك, اسكەري قىزمەتشىلەر بولىمشەلەردى (ەسەپتوپتاردى, ەكيپاجداردى) دايارلاۋ بارىسىندا قازىرگى جالپىاسكەري ۇرىستار جىلدام وزگەرەتىن جاعدايدا جاۋىنگەرلىك تاپسىرمالاردى ورىنداۋدى ۇيرەنەدى. وقۋ-جاۋىنگەرلىك تاپسىرمالاردىڭ ماقساتقا ساي ورىندالۋى جەكە قۇرامنىڭ جۇمىلىپ ارەكەت ەتۋىنە, ءبىر-ءبىرىن ۇعىنۋىنا بايلانىستى.
ءبىر اي بويى اسكەري قىزمەتشىلەر بولىمشەلەر قۇرامىندا اتىستان, تاكتيكالىق, ارنايى دايارلىقتان جانە باسقا دا پاندەردەن نورماتيۆتەردى پىسىقتايدى. بۇنىڭ ءبارى دالالىق جاعدايدا توپتىق, تاكتيكالىق تاپسىرمالاردى ورىنداۋداعى ءىس-قيمىل ماشىعىن مەڭگەرۋگە ىقپال ەتەدى. جەكە قۇرام مەن بولىمشەنىڭ دايىندىق دەڭگەيى وسىلاردى ورىنداۋ ساپاسىنا قاراي ايقىندالاتىن بولادى.
بولىمشەلەردىڭ, ەسەپتوپتاردىڭ جانە ەكيپاجداردىڭ ۇيلەسىمدى ءىس-قيمىلىنىڭ سوڭى بولىمشەلەر قۇرامىندا جاۋىنگەرلىك اتىستى ورىنداۋمەن اياقتالادى.