قارجىلىق مونيتورينگ اگەنتتىگىنىڭ شىمكەنت قالاسى بويىنشا دەپارتامەنتى «اگروونەركاسىپتى دامىتۋدىڭ 2017-2021 جىلدارعا ارنالعان» باعدارلاماسى اياسىندا بولىنگەن بيۋدجەت قاراجاتىن جىمقىرۋ فاكتىسى بويىنشا سوتقا دەيىنگى تەرگەۋدى اياقتادى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
«ماسەلەن, ءوڭىر تۇرعىنى 2020 جىلى سەنىمحاتتار نەگىزىندە 2 شارۋا قوجالىعى اتىنان شىمكەنت قالاسىنىڭ اۋىل شارۋاشىلىعى جانە ۆەتەريناريا باسقارماسىنا اسىل تۇقىمدى قوي ساتىپ الۋعا جانە جەم-ءشوپ شىعىندارىن وتەۋگە 13,5 ملن تەڭگەگە ءوتىنىم بەرگەن. الايدا, سوتقا دەيىنگى تەرگەۋ اياسىندا اسىل تۇقىمدى قويلار ساتىپ الىنباعانى, الىنعان بيۋدجەت قاراجاتى جەكە قاجەتتىلىكتەرگە جۇمسالعانى انىقتالدى. كەلتىرىلگەن زالال تولىق وتەلدى», دەيدى ۆەدومستۆو وكىلى.
سوت ۇكىمىمەن ول كىنالى دەپ تانىلىپ, 5 جىلعا شارتتى تۇردە باس بوستاندىعىنان ايىرۋ جازاسى تاعايىندالدى.