وقۋ جىلىنىڭ مەرزىمىن ۇزارتۋدى ۇسىندى

وقۋ جىلىن ۇزارتۋدى ۇسى­­نىپ وتىرعان پەداگوگ­تەر قوسىمشا ءتورت اپتا ءبى­لىم الۋشىلاردىڭ كۇندەلىكتى وقۋ جۇكتەمەسىن ازايتۋعا كو­مەك­تەسەتىنىن العا تارتادى. سونىمەن قا­تار وقۋ جى­لىن ۇزارتۋ «كۇر­دەلى» تاقى­رىپ­تاردى از ۋاقىت­تا يگەرتۋ ماسەلەسىن شە­شەدى. سونداي-اق جازعى دەما­لى­ستىڭ ۇزاقتى­عىن قىسقارتۋ ءبىلىم الۋشىلار­دىڭ العان ءبىلىمىن جوعالتپاۋى­نا سەپ­تىگىن تيگىزەدى.

BINOM SCHOOL مەك­تەبىنىڭ باسقارۋشى ديرەكتورى ارايلىم ماعزۇموۆا: ء«بىزدىڭ ەل وقۋ جىلىنداعى اپتا سانى (34 وقۋ اپتا­سى) ەڭ قىسقا مەملە­كەتتەردىڭ ءبىرى. رەسپۋب­ليكامىزدىڭ ءبىلىم الۋشىلارى جىلىنا 130 كۇننەن استام ۋاقىت دەمالادى بۇل الەمدەگى ەڭ ۇزاق دەمالىس دەسەك بولادى. سالىستىراتىن بولساق: مىسالى, يزرايلدە دەمالىس ۇزاقتىعى 84 كۇن, وڭتۇستىك كورەيادا – 90 كۇن, جاپونيا­دا – 102 كۇن. زەرتتەۋلەر نا­تيجەسى كورسەتكەندەي, بالالار ۇزاق ۇزىلىستەن كەيىن يگەرگەن ماتەريالدىڭ 25%-ىن­ ۇمىتاتىنىن كورسەتىپ وتىر. سوندىقتان ءبىز قازاق­ستاندىق مەكتەپتەردەگى وقۋ جىلىن 38 اپتاعا دەيىن, ياعني وقۋ جىلىن 15 تامىزدا باس­تاپ, 5 ماۋسىمدا اياقتاۋدى ۇسىنامىز. نەمەسە قىركۇيەك ايىندا ادەتتەگىدەي باستالسا, وندا 20 ماۋسىمعا دەيىن ۇزارتۋ كەرەك», دەدى.

«ادىلەت» رەسپۋبليكا­لىق ورتا جانە مەكتەپكە دەيىن­گى ءبىلىم بەرۋ قاۋىمداستىعى­­نىڭ توراعاسى دينارا قۇداي­قۇلوۆا دا ءوز سوزىندە وقۋ جىلىن ۇزارتۋ ءۇشىن وڭتايلى دەپ سانايتىن مەر­زىمدەردى اتاپ ءوتتى: «20-25 تا­مىزدان باستاپ بالالار شىعۋى كەرەك, شىن مانىندە ەكى اپتا بويى بالالار وقۋ پروتسەسىنە تولىعىمەن كىرە المايدى دەپ سانايمىز. 20-25 تامىزدان 5 ماۋسىمعا دەيىن كەم دەگەندە ۇزارتىلۋى كەرەك», دەدى ول.

ساراپشىلاردىڭ اي­تۋىنشا, وقۋ جىلىنىڭ ۇزاق­تىعىن ارتتىرۋ سىنىپ­تار­داعى جۇكتەمەنى 1-2 ساعات­قا قىسقارتۋعا, كابي­نەت تاپ­شىلىعىن وڭتايلان­دىرۋ­عا, ءبىلىم الۋشىلاردىڭ قو­سىم­شا ءبىلىم الۋىنا جانە پەدا­گوگتەردىڭ وزدەرىن كاسىبي دامىتۋىنا كوبىرەك ۋاقىت بولۋگە مۇمكىندىك بەرەدى.