سەمەي قالاسىندا 3 جاسار بالا سەگىزىنشى قاباتتاعى پاتەردىڭ تەرەزەسىنەن قۇلاپ كەتتى, دەپ حابارلايدى Egemen.kz.
وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, وقيعا 6 شىلدە كۇنى ساعات 13.00 شاماسىندا سوروكين كوشەسىندە بولعان.
3 جاسار بالا كوپقاباتتى تۇرعىن ءۇيدىڭ سەگىزىنشى قاباتىندا ورنالاسقان پاتەردەگى اشىق تەرەزەدەن قۇلاپ كەتتى. سول بولمەدە بولعان اناسى كىشى بالاسىن تاماقتاندىرىپ وتىرعان. ونىڭ ايتۋىنشا, ۇلى تەرەزە ۇستىندە ويناپ تۇرعان. قازىر ءسابي اۋرۋحانادا جاتىر. جاعدايى اۋىر.
«كوپ جاعدايدا بالالاردىڭ تەرەزەدەن قۇلاۋ سەبەپتەرى - تەرەزە اشىق ۇيدە قاراۋسىز قالۋ, تەرەزەدە قاۋىپسىزدىكتى قامتاماسىز ەتەتىن ارنايى تەمىر توردىڭ جانە وزگە دە قۇرىلعىلاردىڭ بولماۋى, ۇستەلدىڭ, ورىندىق پەن ديۆاننىڭ تەرەزەگە جاقىن تۇرۋى. سونداي-اق قورعانىش بولىپ كورىنەتىن موسكيت تورلارى دا ۇلكەن قاۋىپ توندىرەدى», دەپ حابارلادى ۆەدومستۆو وكىلدەرى.
ايانا توعانبەك