ەلەنا رىباكينا ۋيمبلدون ءتۋرنيرىنىڭ جارتىلاي فينالىنا شىقتى

ۇلىبريتانيا اشىق چەمپيوناتىنىڭ 17-راكەتكاسى اتانعان قازاقستاندىق تەننيسشى شيرەك فينالدا دۇنيەجۇزىلىك رەيتينگتە 44-ورىندا تۇرعان اۋستراليالىق ايلا تومليانوۆيچپەن كەزدەستى.

ءبىرىنشى پارتيادا وتانداسىمىزدان وزىپ كەتكەن اۋستراليالىق تەننيسشى سول باسىمدىلىعىن ساقتاي الدى - 6:4.

ەكىنشى سەتتە ەلەنا رىباكينا ەسە قايىردى - 6:2.

ءۇشىنشى, شەشۋشى پارتيادا دا قازاقستاندىق سپورتشى قارسىلاسىنا دەس بەرمەدى - 6:3.

ەكى ساعاتقا جۋىق سوزىلعان ماتچتا ە.رىباكينا 15 ەيس جاساپ, 9 برەيك-پوينتتىڭ بەسەۋىن پايدالانا الدى.

وسىلايشا, ە.رىباكينا قازاقستاندىق تەننيسشىلەر اراسىنان العاش رەت ۋيمبلدون ءتۋرنيرىنىڭ جارتىلاي فينالىنا ءوتت. ول فينالعا شىعۋ ءۇشىن الەمنىڭ 18-راكەتكاسى, «ۇلكەن دۋلىعا» جارىسىنىڭ ەكى مارتە جەڭىمپازى, رۋمىنيالىق سيمونا حالەپپەن تالاسادى.