اتىراۋ وبلىسىنىڭ جىلىوي اۋدانىندا ورنالاسقان تەڭىز كەن ورنىندا مەردىگەر كومپانيادا ەڭبەك ەتەتىن جۇمىسشىنىڭ دەنەسى يابىلدى, دەپ حابارلايدى Egemen.kz.
بۇل دەرەكتى وبلىستىق پوليتسيا دەپارتامەنتىنىڭ ءباسپاسوز قىزمەتى راستادى.
تەڭىز كەن ورنىنا قاراستى «سەنىمدى قۇرىلىس» جشس جۇمىسشىسى 5 شىلدەدە تۇنگى مەزگىلدە وزىنە قول جۇمساعانى انىقتالدى.
ء«بىزدىڭ كومپانياعا مەردىگەر كاسىپورىن – «سەنىمدى قۇرىلىس» جشس قىزمەتكەرلەرىنىڭ ءبىرى تىرشىلىك بەلگىلەرىنسىز تابىلعانى تۋرالى حابار بەرىلدى. بۇل تۋرالى ءتيىستى مەملەكەتتىك ورگاندارعا دەر كەزىندە حابارلاندى», دەپ مالىمدەدى «تەڭىزشەۆرويل» جشس-ءنىڭ ءباسپاسوز قىزمەتى.
تۇنگى اۋىسىمعا شىعىپ, جۇمىس ورنىندا اسىلىپ قالعان جۇمىسشىنىڭ جاسى 28-دە ەدى. ونىڭ دەنەسىن بىرگە جۇمىس ىستەيتىن ارىپتەستەرى تاۋىپ العان. جۇمىسشىنىڭ وزىنە قول جۇمساۋىنا نە سەبەپ بولعانى ازىرگە بەلگىسىز.
وبلىستىق پوليتسيا دەپارتامەنتىنىڭ ءباسپاسوز قىزمەتىنەن ءمالىم ەتكەندەي, اتالعان دەرەككە بايلانىستى تەكسەرۋ مەن تەرگەۋ امالدارى باستالدى.