مەملەكەت باسشىسىنىڭ تاپسىرماسى بويىنشا جالعىزباستى اتا-انالاردىڭ قاشىقتان جۇمىس ىستەۋ قۇقىعىن زاڭنامالىق تۇرعىدان بەكىتۋ ماسەلەسى پىسىقتالۋدا. بۇل تۋرالى پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ كەزەكتى وتىرىسىندا ايتىلدى, دەپ حابارلايدى Egemen.kz.
ء«بىزدىڭ وتانداستارىمىزدىڭ ومىرىندە «جۇمىس» جانە «وتباسى» اراسىنداعى تەڭسىزدىكتى بايقاپ وتىرمىز. مەملەكەت باسشىسىنىڭ تاپسىرماسى بويىنشا جالعىزباستى اتا-انالاردىڭ قاشىقتان جۇمىس ىستەۋ قۇقىعىن زاڭنامالىق تۇرعىدان بەكىتۋ ماسەلەسى پىسىقتالۋدا. بۇل رەتتە ساراپشىلار كامەلەتتىك جاسقا تولماعان بالالارى بار اتا-انالاردىڭ بارلىعى بىردەي قۇقىققا يە بولۋى كەرەك دەپ ەسەپتەيدى. وسى ماسەلەگە قاتىستى ءبىز دە ۋاكىلەتتى ورگانعا ءتيىستى ۇسىنىستار ەنگىزدىك», دەدى اقپارات جانە قوعامدىق دامۋ ۆيتسە-ءمينيسترى الەكساندر دانيلوۆ.