قازاقستاندىقتاردىڭ مەملەكەتكە قارىزى كوپ

قارجى مينيسترلىگى مەملەكەت­تىك كىرىستەر كوميتەتى ماماندارى­نىڭ حابارلاۋىنشا, كولىك سالىعى بو­يىنشا قارىزعا بەلشەسىنەن باتىپ جۇرگەندەردىڭ دەنى الماتى قالاسىندا. بۇل شاھارداعى 88 مىڭ بورىشكەردىڭ مەملەكەتكە قارىزى 5,2 ملرد تەڭگەگە جەتكەن. ودان كەيىنگى ورىندا الماتى وبلىسى تۇر. مۇندا 132 مىڭ بورىشكەر بار بولسا, ولاردىڭ قارىزى 3,9 ملرد تەڭگەنى قۇراعان.

سالىق بەرەشەگى جاعىنان نۇر-سۇلتان مەن شىمكەنت قالالارىنىڭ  تۇرعىندارى دا قالىسپاي تۇر. ولاردىڭ جالپى بورىشى – 2,6 ملرد تەڭگە, سونىڭ ىشىندە 76 مىڭ بورىشكەردىڭ 1,9 ملرد تەڭگە قارىزى بار.

مەملەكەتتىك كىرىستەر كوميتەتى باسقارما باسشىسىنىڭ ورىنباسارى اينۇر سارتاەۆانىڭ ايتۋىنشا, 2021 جىلعا كولىك قۇرالدارى­نا سا­لىق تولەۋ مەرزىمى 2022 جىلعى 1 ساۋىر­دە اياق­تال­عان. ال 2022 جىل­عى 17 ما­مىردان باس­تاپ سالىق سوماسىن ۋا­ق­تىلى تولەمەگەن ازامات­تارعا سا­لىق بەرەشەگىن ءوندىرىپ الۋ تۋرالى سا­لىق بۇيرىقتارى جولدانا باستادى. «سالىق قارىزى تولەنبەگەن جاعدايدا سالىق بۇيرىعى تابىس ەتىلگەن كۇننەن كەيىن 5 جۇمىس كۇنى وتكەن سوڭ قۇجات جەكە سوت ورىنداۋشىلارىنىڭ وڭىر­لىك پالاتاسىنا ماجبۇرلەپ ورىنداتۋ­عا جىبەرىلەدى. ءوز كەزەگىندە جەكە سوت ورىنداۋشىلارى «اتقارۋشىلىق iس جۇرگiزۋ جانە سوت ورىنداۋشىلارى­نىڭ مارتەبەسi تۋرالى» زاڭعا سايكەس بانك شوتتارى مەن مۇلكىنە تىيىم سالۋ تۇرىندە ماجبۇرلەپ ءوندىرىپ الۋ شارالارىن قولدانۋعا قۇقى بار. ەگەر قارىز 40 اەك-تەن اسسا, ازاماتقا ەلدەن شىعۋعا تىيىم سا­لىنۋى مۇمكىن. بۇل تۋرالى اقپارات­تى مىنا سىلتەمە ارقىلى بىلۋگە بولا­دى https://aisoip.adilet.gov.kz/debtors», دەيدى ا.سارتاەۆا

قازىرگى كەز – جازعى دەمالىس كەزەڭى. ۋاقىتىن قىزىقتى ءارى ءتيىمدى وتكىزۋ ءۇشىن كەيبىرەۋلەر وتباستارىمەن شەتەلدەردە دەمالعاندى جاقسى كورەدى. «وسىنداي دەمالىس ماۋسىمى كەزىندە جاعىمسىز سالدارلاردى بولدىرماۋ ءۇشىن كوميتەت سالىق بەرەشەگى بولعان جاعدايدا ونى ۋاقتىلى تولەۋگە كەڭەس بەرەدى. سالىق قارىزى تۋرالى مالىمەتتەرد e-Salyq Azamat ءموبيلدى قوسىمشاسىنداعى «ەلەكتروندى سەرۆيستەر» بولىمىنەن كورۋگە بولادى», دەيدى ماماندار.