قىتاي–قىرعىزستان–وزبەكستان تەمىرجول قۇرىلىسىنىڭ ىقتيمال باعىتى جاقىندا قىرعىزستان رەسپۋبليكاسى مينيسترلەر كابينەتىنىڭ جينالىسىندا تالقىلاندى, دەپ حابارلايدى Egemen.kz.
كەڭەستە قىرعىزستاننىڭ كولىك جانە كوممۋنيكاتسيا ءمينيسترى ەركىنبەك وسوەۆ «تورۋگارت – ماكمال - جالال-اباد» باعىتى بويىنشا تەمىر جول ماگيسترالىن سالۋ ماسەلەلەرى بويىنشا اقپارات ۇسىندى.
ونىڭ ايتۋىنشا, جوبانىڭ ءتيىستى تەحنيكالىق-ەكونوميكالىق نەگىزدەمەسى وسى جىلدىڭ جەلتوقسان ايىندا دايىن بولادى.
«قىتاي - قىرعىزستان - وزبەكستان تەمىرجول قۇرىلىسىنىڭ جوباسى — ءبىز ەرەكشە باسىمدىق بەرەتىن بىرەگەي جوبا. بەيىندى مەملەكەتتىك ورگاندار بەلگىلەنگەن مەرزىمدە قاجەتتى دايىندىق جۇمىستارىن جۇرگىزۋى قاجەت», دەپ اتاپ ءوتتى مينيسترلەر كابينەتىنىڭ باسشىسى اقىلبەك جاپاروۆ.
«قىتاي - قىرعىزستان - وزبەكستان» تەمىرجولى - ءۇش ەلدىڭ, ودان ءارى پارسى شىعاناعى ەلدەرىنىڭ, ەۋروپالىق تەمىرجول جەلىسىمەن بايلانىستى تۇركيا رەسپۋبليكاسىنىڭ تەمىر جولدارىنا جول اشۋعا ارنالعان تەمىرجول ماگيسترالى.
ايانا توعانبەك