قۇرلىقتىق حوككەي ليگاسىندا (قحل) كۇش سىناسىپ جۇرگەن نۇر-سۇلتاننىڭ «بارىسى» 2022/23 جىلعى ماۋسىمعا قالاي دايارلاناتىنىن جاريا ەتتى.
ەلوردالىق كلۋب قازىر دەمالىستا. 14 شىلدەدە ولار نۇر-سۇلتاندا باس قوسادى. دارىگەرلىك تەكسەرىستەن وتكەننەن سوڭ ءبىر ايعا جۋىق ەلوردادا جاتتىعادى. 16-20 تامىز ارالىعىندا قازاقستان پرەزيدەنتى كۋبوگىنا قاتىسادى. اتالعان جارىستا «بارىستان» بولەك, ماگنيتوگورسكىنىڭ «مەتاللۋرگ», ەكاتەرينبۋرگتىڭ «اۆتوموبيليست», نيجنەكامسكىنىڭ «نەفتەحيميك» جانە بەيجىڭنىڭ «كۋنلۋن رەد ستار» كلۋبتارى ونەر كورسەتەدى. سودان كەيىن رەسەيدىڭ چەليابى قالاسىنا ساپار شەگەدى. بۇل جەردە جەرلەستەرىمىز «مەتاللۋرگ», «اۆتوموبيليست» جانە جەرگىلىكتى «تراكتورمەن» بىرگە گۋبەرناتور كۋبوگىن ساراپقا سالادى.
ال قحل-دىڭ تۇراقتى بىرىنشىلىگى 1 قىركۇيەكتە باستالادى. شىعىس كونفەرەنتسياسىندا باق سىنايتىن «بارىستى» الداعى ماۋسىمعا بەلارۋس مامانى اندرەي سكابەلكا جاتتىقتىرادى.