باس پروكۋراتۋرادا ەكونوميكالىق رەسۋرستاردى زاڭسىز شوعىرلاندىرۋعا جانە زاڭسىز الىنعان م ۇلىكتەردى قايتارۋعا قارسى ءىس-قيمىل ماسەلەلەرى تالقىلاندى, دەپ حابارلادى ۆەدومستۆونىڭ ءباسپاسوز قىزمەتى.
باس پروكۋرور بەرىك اسىلوۆتىڭ توراعالىق ەتۋىمەن ەكونوميكالىق رەسۋرستاردى زاڭسىز شوعىرلاندىرۋعا قارسى ءىس-قيمىل ماسەلەلەرى جونىندەگى ۆەدومستۆوارالىق كوميسسيانىڭ وتىرىسى ءوتتى.
وتىرىستى اشقان باس پروكۋرور ءىس-شاراعا قاتىسۋشىلاردىڭ نازارىن مەملەكەت باسشىسى قويعان نەگىزگى مىندەتتەرگە اۋداردى. بۇل – زاڭسىز شىعارىلعان قاراجاتتى ەلگە قايتارۋ بويىنشا جۇيەلى شارالاردى ازىرلەۋ جانە ىسكە اسىرۋ, سونداي-اق ەكونوميكالىق رەسۋرستاردىڭ مونوپوليالىق (وليگوپوليالىق) شوعىرلانۋىن انىقتاۋ.
ولاردى ىسكە اسىرۋ وتاندىق ەكونوميكانى ساۋىقتىرۋعا, كىرىستەردى ءادىل بولۋگە جانە ازاماتتاردىڭ ءومىر ءسۇرۋ دەڭگەيىن ارتتىرۋعا مۋلتيپليكاتيۆتىك اسەر ەتۋگە ءتيىس.
وتىرىستا كوميسسيا توراعاسىنىڭ ورىنباسارى – باس پروكۋروردىڭ ورىنباسارى ۇلان بايجانوۆ, سونداي-اق مەملەكەتتىك ورگانداردىڭ ءبىرىنشى باسشىلارى بايانداما جاسادى.
جيىندا كاپيتالدى ەلدەن زاڭسىز شىعارۋدى بولدىرماۋ جانە قۇقىققا قارسى جولمەن الىنعان رەسۋرستاردى قولىندا شوعىرلاندىرعان ساناۋلى ادامدار شەڭبەرىنىڭ زاڭسىز بايۋى ءۇشىن جاعدايلاردى جويۋ العاشقى كەزەكتەگى شارالاردىڭ ءبىرى دەپ تانىلدى. سونداي-اق حالىقارالىق تاجىريبەنى ەسكەرە وتىرىپ, وليگوپوليا سۋبەكتىلەرىنىڭ اكتيۆتەردى مەملەكەتكە قايتارۋ مۇمكىندىگى تۋرالى ۇسىنىس قارالدى.
بۇل رەتتە, ب.اسىلوۆ كوميسسيانىڭ جۇمىسى ادال كاسىپكەرلەر ءۇشىن بوگەت بولماۋى قاجەت ەكەندىگىن اتاپ ءوتتى. «بارلىق شەشىمدەر تەكسەرىلىپ, مۇقيات پىسىقتالعان سوڭ عانا قابىلدانۋى كەرەك», دەدى ول.
وتىرىس قورىتىندىسى بويىنشا كوميسسيا جۇمىسىنىڭ باسىم باعىتتارى ايقىندالدى.
ەستەرىڭىزگە سالا كەتەيىك, ەكونوميكالىق رەسۋرستاردى زاڭسىز شوعىرلاندىرۋعا قارسى ءىس-قيمىل ماسەلەلەرى جونىندەگى ۆەدومستۆوارالىق كوميسسيا پرەزيدەنت جارلىعىمەن بيىل 5 ماۋسىمدا قۇرىلعان بولاتىن. ونىڭ قۇرامىنا قۇقىق قورعاۋ, ارناۋلى جانە بىرقاتار ورتالىق اتقارۋشى ورگاننىڭ, ۇلتتىق بانكتىڭ, قارجى نارىعىن رەتتەۋ جانە دامىتۋ اگەنتتىگىنىڭ جانە «سامۇرىق-قازىنا» ۇاق» اق-نىڭ ءبىرىنشى باسشىلارى كىرەدى.