تەحاس شتاتىنىڭ سان-انتونيو قالاسىنىڭ شەتىندە قاراۋسىز قالعان جۇك كولىگىندە 46 ميگرانتتىڭ ءمايىتى تابىلدى, دەپ حابارلايدى Egemen.kz BBC News-كە سىلتەمە جاساپ.
ءورت ءسوندىرۋ قىزمەتكەرىنىڭ ايتۋى بويىنشا, 16 ادام, ونىڭ ىشىندە ءتورت بالا اۋرۋحاناعا جەتكىزىلدى. تاعى بىرنەشە ادام ىستىق اۋادان زارداپ شەكتى.
امەريكا-مەكسيكا شەكاراسىنان 250 كم قاشىقتىقتا ورنالاسقان سان انتونيو كونترابانداشىلار ءۇشىن ترانزيتتىك باعىتتىڭ نەگىزگى نۇكتەلەرىنىڭ ءبىرى.
«قۇتقارۋشىلار وقيعا ورنىنا جەرگىلىكتى ۋاقىت بويىنشا ساعات 18:00-دە (نۇر-سۇلتان ۋاقىتى بويىنشا ساعات 4:00) قايتىس بولعان ادام تۋرالى حابار تۇسكەننەن كەيىن باردى. ءورت ءسوندىرۋ ءبولىمىنىڭ قىزمەتكەرلەرى جۇك كولىگىنىڭ قاسىندا ءولى ادامنىڭ دەنەسىن تاپقان. كەيىن كولىكتىڭ ەسىگىن اشقان كەزدە تاعى بىرنەشە ادامنىڭ دەنەلەرىن كوردى», دەدى سان-انتونيو ءورت ءسوندىرۋ ءبولىمىنىڭ باستىعى چارلز حۋد.
سونداي-اق جۇك كولىگىندە اۋا سالقىنداتقىشتىڭ ورناتىلماعانىن, سۋدىڭ بولماعانىن اتاپ ءوتتى.
ايانا توعانبەك