تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين EGov Mobile موبيلدىك قوسىمشاسىندا ەلەكتروندى قىزمەتتەردى پايدالانۋ ەكى ەسە وسكەنىن ايتتى, دەپ حابارلايدى Egemen.kz.
«بۇگىندە ەلەكتروندى قىزمەتتەر سانى بويىنشا, وڭ وزگەرىستى بايقاپ وتىرمىز. سونىمەن قاتار EGov Mobile موبيلدىك قوسىمشاسىندا دا ەلەكتروندى قىزمەتتەردى پايدالانۋ ەكى ەسەگە وسكەن. بۇدان بولەك, تسيفرلىق سەرۆيستەر ازاماتتار اراسىندا كەڭ سۇرانىسقا يە. ماسەلەن, تسيفرلىق قۇجاتتار وسى جىلدىڭ 5 ايىندا 6 ملن-نان استام ۆاليداتسيالاعانىن اتاپ وتكەن ءجون. جالپى بۇل مەموروگاندار مەن مەكەمەلەردىڭ تسيفرلىق قۇجاتتاردى كەڭىنەن قولدانۋىن ايعاقتايدى», دەدى باعدات مۋسين ۇكىمەت وتىرىسىندا.
ۆەدومستۆو باسشىسىنىڭ ايتۋىنشا, قازىر ازاماتتارعا 18 قۇجات وزگە تسيفرلىق پلاتفورمالاردا قولجەتىمدى. وسى جىلدىڭ سوڭىنا دەيىن ەڭ تانىمال 20 مەملەكەتتىك قىزمەتتى سىرتقى پلاتفورمالارعا شىعارۋ جوسپارلانعان.
«سونداي-اق SMS ارقىلى زاڭسىز تىركەلۋ ماسەلەسىن شەشتىك. بايلانىس ورتالىعىنىڭ كۇتۋ ۋاقىتىن 5 مينۋتتان 20 سەكۋندقا دەيىن قىسقارتتىق. ازاماتتاردى قۇجاتتاندىرۋ بويىنشا ادامي فاكتورسىز ۇسىنىلاتىن, جاڭا پەرسپەكتيۆالىق جوبانى ىسكە اسىرۋدامىز. ەگەر بۇگىنگى تاڭدا ورتاشا ەسەپپەن 20-30 مينۋت كەتسە, تەرمينالداردى ورناتقان سوڭ پروتسەسس 5-10 مينۋتقا دەيىن قىسقارادى», دەدى باعدات مۋسين.
ايتا كەتسەك, «ۆيدەو حقو» جوباسى ازاماتتارعا كەڭەس الۋدان بولەك, تسون-عا جۇگىنبەي-اق قىزمەتتى قاشىقتان الۋعا مۇمكىندىك بەرەدى. وسى ءتاسىل ارقىلى 13 قىزمەت قولجەتىمدى, ال جىل سوڭىنا دەيىن 63 قىزمەتكە دەيىن وسەدى. «وسىعان وراي, مەمورگاندارمەن بىرلەسىپ, 2025 جىلعا دەيىن ازاماتتارعا كونسۋلتاتسيا جانە قىزمەت كورسەتۋدى وسى «ۆيدەو حقو» ءتاسىلى ارقىلى ۇسىنۋدى جوسپارلاپ وتىرمىز», دەدى تسيفرلىق دامۋ ءمينيسترى.