اقش-تىڭ تاكوما قالاسىنداعى بي كەشىندە اتىس بولىپ, سەگىز ادام زارداپ شەكتى, دەپ حابارلايدى Egemen.kz ABC News اگەنتتىگىنە سىلتەمە جاساپ.
وقيعا جەكسەنبى كۇنى جەرگىلىكتى ۋاقىتپەن ساعات 00:45-تە تاكوما قالاسىنىڭ وڭتۇستىك بولىگىندەگى ونەركاسىپتىك اۋداندا بولدى.
قۇقىق قورعاۋ ورگاندارى اتىس قارۋى قولدانىلعان جانجال اۋەلى كوشەدە باستالعانىن ايتادى.
پوليتسيا قىلمىس بولعان جەردىڭ اينالاسىنداعى كوشەلەردى دەرەۋ جاۋىپ تاستادى. وق جاراقاتىنان زارداپ شەككەندەر اۋرۋحاناعا جاتقىزىلدى.
پوليتسيا قىزمەتكەرلەرىنىڭ مالىمەتىنشە, قازا بولعاندار تۋرالى حابارلاما جوق.
قازىرگى ۋاقىتتا كىنالىلەردى ىزدەۋ بويىنشا تەرگەۋ جالعاسۋدا.