باتىس قازاقستان وبلىسىندا شالقار كولىندە اعىپ كەتكەن 8 جاسار بالا ءۇش كۇننەن كەيىن تابىلدى, دەپ حابارلايدى Egemen.kz.
بقو تجد ءباسپاسوز قىزمەتىنەن تۇسكەن مالىمەتكە قاراعاندا, 25 ماۋسىم كۇنى ساعات 15:50-دە بالانىڭ دەنەسى تەرەكتى اۋدانى رىبتسەح پەن شالقار اۋىلدارىنىڭ اراسىندا كول جاعالاۋىنان تابىلعان.
«بالانى ىزدەستىرۋ جۇمىستارىنا تجد كۇشتەرىمەن قاتار, جەرگىلىكتى تۇرعىندار, ەرىكتىلەر جۇمىلدىرىلدى. قازىرگى كەزدە ساراپتاما تاعايىندالدى. سونىڭ قورىتىندىسىنا سايكەس ءولىمنىڭ سەبەبى انىقتالادى», دەپ حابارلادى ۆەدومستۆودان.
ايانا توعانبەك