الماتىدا جاندوسوۆ پەن التىنسارين كوشەلەرىنىڭ قيىلىسىندا جولاۋشىلار تروللەيبۋسى ورتەندى, دەپ حابارلايدى Egemen.kz.
ورتەنىپ جاتقان تروللەيبۋستىڭ ۆيدەوسى الەۋمەتتىك جەلىدە تارادى.
«الماتىەلەكتروترانس» جشس-نىڭ مالىمەتىنشە, جۇرگىزۋشىدەن №12-ءشى تروللەيبۋستىڭ ورتەنگەنى تۋرالى حابارلاما ساعات 14.55-تە تۇسكەن. «كولىكتىڭ توبەسى جاندى (تومەنۆولتتى زاريادتاۋ قۇرىلعىسى). جۇرگىزۋشى ءورت سوندىرۋشىلەر كەلگەنشە, ءورتتى ءوزى ءسوندىرىپ ۇلگەردى. كەيىن تروللەيبۋستى پارككە سۇيرەپ اكەتتى. زارداپ شەككەندەر جوق», دەپ حابارلادى كومپانيادا.