استانا. 25 ءساۋىر. وسىمەن 12-رەت وتكىزىلىپ وتىرعان ەۋرازيالىق مەديافورۋمدا الەمدى تولعانتقان كۇردەلى ماسەلەلەر تالقىلانۋدا. سونىڭ ىشىندە اقش-يران قارىم-قاتىناسى كەڭ اۋقىمدا ءسوز بولدى. بۇل تۋرالى «قازاقستان» ۇلتتىق ارناسى حابارلادى.
جيىندا اقش-يران اراقاتىناسىنا بايلانىستى ءتۇرلى پىكىرلەر ايتىلدى.
يران سىرتقى ىستەر ءمينيسترىنىڭ كەڭەسشىسى سەيد مۇحاممەد كازيم سادجاپۋر: «يران يادرولىق باعدارلاماسىن بۇكىلالەمدىك ماسەلە دەپ كورسەتۋ دۇرىس ەمەس. يران ماسەلەسىنىڭ تىم ساياسيلانىپ كەتكەنى سونشالىقتى, بۇل ميلليونداعان ادامداردىڭ ومىرىنە كەرى اسەر ەتۋدە. اقش يرانعا قارسى اسكەري كۇش كورسەتسە, ارينە, يران تيىسىنشە جاۋاپ قايتارۋعا ءازىر. وزگەلەر ءبىزدىڭ وسى ماسەلەگە قاتىستى ويىمىزبەن ساناسقانى ءجون», – دەدى.
ال ءيزرايلدىڭ بۇرىنعى پرەمەر-ءمينيسترى ەحۋد باراك: «ەگەر يران يادرولىق دەرجاۆاعا اينالسا, وندا تاياۋ شىعىس ەلدەرىنە عانا ەمەس, الەمگە قاۋىپ توندىرەدى. مەن يزرايل قارۋلى كۇشتەرىن 7 جىل باسقاردىم. يرانمەن ءتۇسىنىسۋ ءۇشىن كەلىسسوزدەر جۇرگىزدىم. مەنىڭ پايىمداۋىمشا, يراندىقتار ءتۇرلى ارەكەتتەردىڭ جەتەگىنە ەرىپ, اتوم ەنەرگەتيكاسىن دامىتۋ بويىنشا السىزدىك تانىتىپ وتىر», – دەدى.
ەستەرىڭىزگە سالا كەتەيىك, بۇل القالى جيىنعا الەمنىڭ 60 ەلىنەن كەلگەن 700 دەلەگات قاتىسۋدا.
جولدىباي بازار.
دەرەككوز: «قازاقستان» ۇلتتىق ارناسى.
فوتو: egemen.kz.