20 ميلليون تەڭگەگە كونتراباندالىق تەمەكى ونىمدەرىنىڭ جولى كەسىلدى. زاڭسىز ءونىم كوكشەتاۋ قالاسىنىڭ دۇكەندەرىندە ساۋدالانباق بولدى, دەپ حابارلايدى Egemen.kz قارجىلىق مونيتورينگ اگەنتتىگىنە سىلتەمە جاساپ.
اگەنتتىكتىڭ اقمولا وبلىسى بويىنشا اۋماقتىق دەپارتامەنتىمەن زاڭسىز كاسىپكەرلىك فاكتىسى بويىنشا سوتقا دەيىنگى تەرگەۋ باستالدى.
«گازەل» ماركالى اۆتوكولىكتى تەكسەرۋ بارىسىندا اكتسيزدىك تاڭبالارى جوق 34 500 دانا تەمەكى ونىمدەرى تابىلىپ, تاركىلەندى. تەمەكى ونىمدەرى كولىككە نۇر-سۇلتان قالاسىنداعى ء«امىر» امبەباپ بازارىنىڭ اۋماعىندا تيەلىپ, كوكشەتاۋ قالاسىنا جونەلتىلگەن.
جەدەل ىزدەستىرۋ كەزىندە سول ماركاداعى تەمەكىلەر تابىلدى. مەملەكەتتىك كىرىستەر ورگاندارىنىڭ اقپاراتى بويىنشا 34 500 دانا تەمەكىنىڭ قۇنى 20 355 000 تەڭگەنى قۇرايدى», دەلىنگەن حابارلامادا.