ەۋروپالىق كوميسسيا اۋعانستاندا جەر سىلكىسىنەن زارداپ شەككەندەرگە گۋمانيتارلىق كومەك رەتىندە 1 ملن ەۋرو بولەدى, دەپ حابارلايدى Egemen.kz.
«اۋعانستاندا قازىردىڭ وزىندە اۋىر گۋمانيتارلىق داعدارىس ادام ولىمىنە اكەلگەن جەر سىلكىنىسىنەن ۋشىعا ءتۇستى. ەو-نىڭ جەرگىلىكتى جەردەگى قىزمەتكەرلەرى كەلتىرىلگەن شىعىن كولەمىن ءالى كۇنگە دەيىن باعالاپ جاتقاندىقتان, العاشقى ەسەپتەر 1 مىڭنان استام اۋعاندىقتىڭ كوز جۇمعانىن جانە ودان دا كوپ ادام جاراقات العانىن كورسەتەدى. قولدا بار مالىمەتتەر بويىنشا زارداپ شەككەن اۋدانداردا تۇراتىن 270 مىڭ ادام شۇعىل كومەككە مۇقتاج. وسىعان بايلانىستى ەۋروپالىق وداق 1 ميلليون ەۋرو سوماسىندا كومەك كورسەتتى. ەو بۇدان ءارى دە بارىنشا كومەك كورسەتۋگە دايىن», دەدى وداقتىڭ داعدارىستى جاعدايلاردى باسقارۋ كوميسارى يانەز لەنارچيچ.
قارجىلاندىرۋ اۋعاندىقتاردىڭ مەديتسينالىق كومەك, سۋمەن جابدىقتاۋ, سانيتارلىق-گيگيەنالىق قىزمەتتەر, تۇرعىن ءۇي جانە كوپ زارداپ شەككەن قاۋىمداستىقتاردى قورعاۋ قىزمەتتەرىن ۇسىنۋ سياقتى شۇعىل قاجەتتىلىكتەرىن قاناعاتتاندىرۋعا باعىتتالادى.
ايانا توعانبەك