23 ماۋسىم كۇنى ساعات 10:00 شاماسىندا كاتونقاراعاي اۋدانىنىڭ قۇتقارۋشىلارىنا مۇزتاۋدا ءتورت الپينيست قار كوشكىنىنىڭ استىندا قالدى دەگەن اقپارات تۇسكەن, دەپ حابارلايدى Egemen.kz.
اپات سالدارىنان ەكى ادام قايتىس بولدى. بىرەۋى 1992 جىلى تۋعان. ەكىنشىسى 1988 جىلى تۋعان رەسەي فەدەراتسياسىنىڭ ازاماتى. سونداي-اق, 1990 جىلى تۋعان ازامات زارداپ شەككەن.
تاۋ شاتقالىنا شقو تجد جەدەل-قۇتقارۋ جاساعىنىڭ قۇتقارۋشىلارىمەن «قازاۆياقۇتقارۋ» مي-8 تىكۇشاعى جىبەرىلدى. وقيعا ورنىنا كەلگەن تىكۇشاق اۋادا 1 مەتر بيىكتىكتە قالىقتاپ تۇرىپ, قۇتقارۋشىلار تىكۇشاقتان ءتۇسىپ قازا بولعانداردى بورتقا شىعارعان. ال جاراقات العان ەر ادامعا اپاتتىق مەديتسيناسى ورتالىعىنىڭ دارىگەرلەرى العاشقى مەديتسينالىق كومەك كورسەتتى.
شىعىس قازاقستان وبلىسى