«20 ماۋسىم كۇنى جاڭاارقا اۋدانىندا اقتاۋ اۋىلىنان 20 شاقىرىم جەردەگى سۋ قويماسىنا 2009 جانە 2012 جىلى تۋعان ەكى قىز باتىپ كەتتى. كيىممەن تابىلعان قىزداردىڭ ءمايىتىن وقيعا كۋاگەرلەرى مەن توتەنشە جاعدايلار دەپارتامەنتىنىڭ قۇتقارۋشىلارى سۋدان شىعاردى», دەپ حابارلادى قاراعاندى وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى.
قايعىلى وقيعاعا قاتىستى وبلىستىق پوليتسيانىڭ ءباسپاسوز قىزمەتى دە تۇسىنىكتەمە بەردى.
«بۇل ءىس تىركەلدى. قاجەتتى ساراپتامالار تاعايىندالدى. وقيعانىڭ ءمان-جايى انىقتالىپ جاتىر», دەلىنگەن حابارلامادا.
21 ماۋسىم كۇنى توتەنشە جاعدايلار مينيسترلىگىندە وتكەن بريفينگتە ەلىمىزدە شومىلۋ ماۋسىمى باستالعالى بەرى سۋعا باتىپ, قايتىس بولعانداردىڭ ستاتيستيكاسى جاريالانعان ەدى.
ۆەدومستۆونىڭ مالىمەتىنشە, ءبىرىنشى ماۋسىمنان بەرى 36 ادام سۋعا كەتكەن, ونىڭ 19-ى بالالار.
ايانا توعانبەك