پارلامەنتتەگى حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى, «نۇر وتان» پارتياسى فراكتسياسىنىڭ مۇشەسى ماۋلەن اشىمباەۆ تاجىكستان حالىقتىق-دەموكراتيالىق پارتياسى دەلەگاتسياسىمەن كەزدەستى, دەپ حابارلادى ءماجىلىستىڭ ءباسپاسوز قىزمەتى.
كەزدەسۋ يەلەرى ەكى ەل ىنتىماقتاستىعىنىڭ وزەكتى ماسەلەلەرىن تالقىلادى. ءماۋلەن اشىمباەۆ تاجىكستان قازاقستاننىڭ ورتالىق ازياداعى ەكونوميكالىق جانە ساياسي ماڭىزدى سەرىكتەسى ەكەنىن اتاپ ءوتتى. تاراپتار ەۋرازيا كەڭىستىگىندەگى ينتەگراتسيالىق ۇردىستەرگە باسا نازار اۋداردى.
ءوز كەزەگىندە تاجىكستان حالىقتىق-دەموكراتيالىق پارتياسى توراعاسىنىڭ ورىنباسارى اسرور لاتيپوۆ ءبىزدىڭ ەلىمىزدىڭ قارقىندى دامۋ دەڭگەيىن ءسوز ەتتى.
– سىزدەردىڭ پرەزيدەنتتەرىڭىزدىڭ تۋعان حالقى ءۇشىن جاساپ جاتقان ەڭبەگى زور. وعان قازاقستاننىڭ بارلىق سالاداعى وراسان جەتىستىكتەرى دالەل, – دەدى مەيمان.
پارتياارالىق ىقپالداستىقتى دامىتۋ تاقىرىبى دا اڭگىمە وزەگىنە اينالىپ, اسىرەسە, فراكتسيالىق دەڭگەيدەگى قادامدارعا كوڭىل ءبولىندى. م.اشىمباەۆ ارىپتەستەرىن تاجىكستان حالىقتىق-دەموكراتيالىق پارتياسىنىڭ 20 جىلدىق مەرەيتويىمەن قۇتتىقتاي كەلىپ, پارتيانىڭ ەلدىڭ تۇراقتىلىعى مەن ەكونوميكاسىن دامىتۋداعى رولىنە توقتالدى.