كورمەنىڭ تىركەۋ قۇجاتى قورعالدى

پاريج قالاسىندا قازاقستاندىق دەلەگاتسيا «ەكسپو-2017» تىركەۋ قۇجاتىن قورعادى. 23-24 ءساۋىر ارالىعىندا پا­ريج قالاسىندا «ەكسپو-2017» حا­لىقارالىق مامان­دان­دىرىل­عان كورمەسىنىڭ كوميسسارى – قا­زاقستان رەسپۋبليكاسى سىرتقى ءىس­تەر ءمينيسترىنىڭ ءبىرىنشى ورىن­باسارى ءراپىل جوشىباەۆ باستا­عان قازاقستاندىق دەلەگاتسيا حالىقارالىق كورمەلەر بيۋروسىنىڭ (حكب) اتقارۋشى كوميتەت وتىرىسىندا «ەكسپو-2017» تىركەۋ قۇجاتى بوي­ىن­شا ەسەپ بەردى. تىركەۋ قۇجاتى كورمە نى­ساندارىنىڭ بارلىق تەحنيكالىق قۇجاتتارىن قامتيتىن سوڭعى جوس­پار بولىپ سانالادى. ر.جوشىباەۆ ءوز سوزىندە اتقارۋشى كوميتەتتىڭ سوڭعى وتى­رىسىنان كەيىنگى كەزەڭدەگى اتقا­رىلعان جۇمىس تۋرالى بايانداپ, قازاقستاندىق تاراپتىڭ باس حاتشى ۆيسەنتە لوسسەرتالەستىڭ ناۋرىزداعى قازاقستانعا جاساعان ساپارى كەزىندە ايتىلعان بارلىق ۇسىنىستارى نازارعا الىن­عان­دىعىن جەتكىزدى. سونداي-اق, «ەكسپو-2017» كوميسسارى كور­مە قاتىسۋشىلارىن اككرەديتتەۋ مەن قازاقستاندىق ۆيزا بەرۋ تۋرالى تولىق اقپارات بەردى. وتىرىس قورىتىندىسى بويىنشا اتقارۋشى كوميتەتتىڭ مۇشەلەرى «ەكسپو-2017» كورمەسىنىڭ تىركەۋ قۇجاتىن ءبىراۋىزدان قولداپ, ۇستىمىزدەگى جىلعى 11 ماۋسىمدا پاريجدە وتەتىن حالىقارالىق كورمەلەر بيۋروسىنىڭ (حكب) 155-ءشى باس اسسامبلەياسىنىڭ ماقۇلداۋىنا ۇسىنۋعا شەشىم قابىلدادى. «ەگەمەن-اقپارات».