جەكەمەنشىك بالاباقشالاردا قاۋىپسىزدىك شارالارى كۇشەيتىلەدى

«مەكتەپ جاسىنا بالالار ءۇشىن جوسپارلانعان 34 مىڭنان استام ورىندى قامتيتىن 322 بالاباقشا اشىلادى, 9,4 مىڭ ورىنعا ارنالعان 130-ى 5 ايدا اشىلادى. جىل سوڭىنا دەيىن 3-6 جاستاعى بالالاردى بالاباقشالارمەن قامتۋ 99,3 پايىزعا دەيىن جەتكىزۋ بەلگىلەنگەن. جەكەمەنشىك بالاباقشالاردا ورىن العان كەلەڭسىزدىكتەرگە جول بەرمەۋ ءۇشىن قاۋىپسىزدىك شارالارىن كۇشەيتىپ, بىلىكتى ماماندارمەن قامتاماسىز ەتۋ, سونداي-اق بەينەباقىلاۋ, جيھازبەن جابدىقتاۋ تالاپتارىنىڭ ورىندالۋىن قاداعالاۋ, مەملەكەتتىك تاپسىرىستىڭ ساپاسىن ۆاۋچەرلىك تەتىك ارقىلى جاقسارتۋ كوزدەلگەن», دەدى ول.

ۆيتسە-ءمينيستردىڭ ايتۋىنشا, بيىل 15 مىڭنان استام تاربيەشى جاڭا مودەل بويىنشا ءتيىستى كۋرستاردان ءوتىپ جاتىر. بۇل ءوز كەزەگىندە تاربيلەۋ ساپاسىن جاقسارتۋعا وڭ ىقپال ەتپەك. اشىقتىقتى قامتاماسىز ەتۋ ءۇشىن كەزەكتىلىكتىڭ بىرىڭعاي بازاسىن قۇرۋ جۇمىس جۇرگىزىلىپ جاتىر.

«جاڭا وقۋ جىلىندا ۇزدىك بالاباقشالار نەگىزىندە 34 قۇزىرەتتىلىك ورتالىعىن اشۋ جوسپارلانىپ وتىر. بيىل العاش رەت 25 مىڭنان استام بالانى وقۋ ورىندارىنا قاۋىپسىز تاسىمالداۋ ءۇشىن ارنايى مەكتەپ اۆتوبۋستارىنىڭ اۆتوپاركى اۋقىمدى تۇردە جاڭارتىلۋدا. اكىمدىكتەر 515 مەكتەپ اۆتوبۋسىن ساتىپ الادى. العاشقى اۆتوبۋستار وسى ايدىڭ ىشىندە اقمولا وبلىسىنا جەتكىزىلەدى», دەدى ع.بەيسەمباەۆ.