ىشكى ىستەر مينيسترلىگىنىڭ وكىلى شۇعىلا تۇرلىبەك ءبىر اپتا ىشىندە قازاقستاندا 3,5 مىڭعا جۋىق قىلمىس جاسالعانىن ايتتى, دەپ حابارلايدى Egemen.kz.
ء«بىر اپتا ىشىندە 3 348 قىلمىس جاسالدى. ونىڭ 2 124-ءى تاۋلىك ىشىندە اشىلدى. پوليتسيا قىزمەتكەرلەرى ءىزىن سۋىتپاي كىسى ولتىرۋگە قاتىستى - 9, ولىمگە اكەپ سوققان دەنساۋلىققا قاساقانا اۋىر زيان كەلتىرۋدىڭ - 7, توناۋعا قاتىستى - 62 جانە بوتەن م ۇلىكتى ۇرلاۋدىڭ 500 قىلمىسىن اشتى», دەدى شۇعىلا تۇرلىبەك مينيسترلىكتىڭ ءباسپاسوز الاڭىندا وتكەن بريفينگتە.
ول سونداي-اق ەلوردادا قازاقستان پوليتسياسىنىڭ 30 جىلدىعىنا وراي ىشكى ىستەر ءمينيسترىنىڭ كۋبوگىنە ماكاروۆ تاپانشاسىنان اتۋدان چەمپيونات وتكەنىن ايتتى.
اتالعان سايىسقا ەلىمىزدىڭ ءار وڭىرىندەگى پوليتسيا دەپارتامەنتتەرىنىڭ نامىسىن قورعاۋ ءۇشىن كەلگەن كوماندالارمەن قاتار, باسقا دا كۇشتىك قۇرىلىمداردىڭ مەرگەندەرى قاتىستى.
«تۋرنيردە ىشكى ىستەر ورگاندارى بولىمشەلەرى مەن كۇشتىك قۇرىلىمدار اراسىنداعى ۇزدىكتەر انىقتالدى. سىنعا تۇسكەن قىزمەتكەرلەر وزدەرىنىڭ بار شەبەرلىكتەرىن ورتاعا سالدى. چەمپيونات قورىتىندىسى بويىنشا اۋماقتىق پوليتسيا دەپارتامەنتتەرىنىڭ اراسىندا ءۇشىنشى ورىندى قاراعاندى وبلىسى يەلەنسە, ەكىنشى ورىندى جامبىل وبلىسى ەنشىلەدى. ال الماتىلىق پوليتسەيلەر جالپىكوماندالىق ەسەپتە توپ جاردى. كۇشتىك قۇرىلىمداردىڭ جالپى كوماندالىق ەسەبىندە ۇزدىك ۇشتىك قاتارىنان ۇلتتىق ۇلاننىڭ كومانداسى كورىندى. مامانداندىرىلعان كۇزەت قىزمەتى باسقارماسى كۇمىس جۇلدەنى قانجىعاسىنا بايلاسا, ىشكى ىستەر مينيسترلىگىنىڭ قىزمەتكەرلەرى قۇرالايدى كوزگە اتقان مەرگەن دەپ تانىلدى», دەدى مينيسترلىك وكىلى.