مەملەكەت باسشىسى قاسىم-جومارت توقاەۆ ەاەو ەلدەرىنىڭ ەكولوگيالىق ماسەلەلەرىن بىرلەسىپ شەشۋدى ۇسىندى, دەپ حابارلايدى Egemen.kz.
ء«بىز «جاسىل» ينۆەستيتسيالاردى ارتتىرۋ مەن ءتيىستى جوبالاردى ىسكە اسىرۋ مۇمكىندىكتەرىن جۇيەلى تۇردە كەڭەيتۋدى جوسپارلاپ وتىرمىز. ەكولوگيالىق پروبلەمالار جاھاندىق سيپاتتا بولادى جانە الەمنىڭ بارلىق دەرلىك ەلىنە, سونىڭ ىشىندە قازاقستانعا دا اسەر ەتتى. ماسەلەن وتكەن جىلى جاۋىن-شاشىن مەن وزەندەردەگى سۋدىڭ از بولۋىنان كوپتەگەن فەرمەرلەر قۇرعاقشىلىقتان زارداپ شەكتى. ترانسشەكارالىق جايىق وزەنى قازىر قيىن جاعدايدا», دەدى قازاقستان پرەزيدەنتى پەتەربۋرگتەگى XXV حالىقارالىق ەكونوميكالىق فورۋمدا.
ق. توقاەۆ مەملەكەتتەردىڭ ورنىقتى دامۋىنا تونگەن وسىنداي ۇزاقمەرزىمدى سىن-قاتەرلەردى بىرلەسىپ شەشۋ كەرەگىن ايتتى.
«تۇيىق تسيكل ەكونوميكاسى» - تسيركۋليارلىق ەكونوميكا قاعيداتتارىن ەنگىزۋ كەلەشەگىن قاراۋىمىز كەرەك دەپ ويلايمىن. ءبىز ءجىو-ءنىڭ ەنەرگيا سىيىمدىلىعىن ازايتۋ, جاڭارتىلاتىن ەنەرگەتيكا سەكتورىن كەڭەيتۋ جانە وسى سالاداعى ترانزيتتىك شىعىنداردى ازايتۋ بويىنشا جۇمىس ىستەپ جاتىرمىز», دەدى قاسىم-جومارت توقاەۆ.