تۇنگى ساعات 3:00-دە شىمكەنت قالالىق پوليتسيا بولىمىنە «102» ارناسى ارقىلى وتباسىلىق جانجال تۋرالى حابارلاما كەلىپ تۇسكەن, دەپ حابارلايدى Egemen.kz.
شاقىرتۋ بويىنشا كورسەتىلگەن مەكەنجايعا شىمكەنت قالاسى پد پاترۋلدىك پوليتسيا پولكىنىڭ كەزەكشى ينسپەكتورلارى ورالبەك تاشىمبەتوۆ پەن باقتيار ورىنباەۆ بارعان.
پوليتسەيلەردى ءۇي يەسى قارسى الىپ, كۇيەۋىنىڭ سارايعا قاراي بەت العانىن جەتكىزگەن. ينسپەكتوردىڭ ءبىرى ونى ىزدەۋگە كىرىسسە, ەكىنشىسى ايەلمەن جانە ءۇش جاس بالامەن قالىپ, ءىستىڭ ءمان-جايىن سۇراستىرعان.
ارتىنشا ءتارتىپ ساقشىسى سارايدا ارقانعا ىلىنگەن ءۇي يەسىن تابادى. ەر ادام تۇنشىعىپ قالعان. پوليتسەي ونى جەدەل كوتەرىپ, سەرىكتەسىن كومەككە شاقىرادى. ءتارتىپ ساقشىلارى ارقاندى پىشاقپەن كەسىپ تاستايدى. پوليتسەيلەر ەر ادامدى جەرگە قويىپ, وعان العاشقى مەديتسينالىق كومەك كورسەتكەن. سودان كەيىن ول وزىنە كەلە باستاعان.
مەديتسينا قىزمەتكەرلەرىنىڭ ايتۋىنشا, پوليتسەيلەر كەم دەگەندە بىرنەشە سەكۋندقا كەشىگىپ قالسا, ازاماتتى قۇتقارۋ مۇمكىن بولماس ەدى.
27 جاستاعى قالا تۇرعىنى مۇنداي قادامعا تۇرمىستىق ماسەلەلەرگە بايلانىستى بارعانىن ايتتى.