پارلامەنت سەناتى اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ ۇيىمداستىرۋىمەن «قازاقستان رەسپۋبليكاسىندا كووپەراتسيا ماسەلەلەرىن زاڭنامالىق تۇرعىدان جەتىلدىرۋ» تاقىرىبىنا ارنالعان دوڭگەلەك ۇستەل وتىرىسى بولدى, دەپ حابارلادى سەناتتىڭ ءباسپاسوز قىزمەتى.
شاراعا سەنات دەپۋتاتتارى, اۋىل شارۋاشىلىعى, قورشاعان ورتا جانە سۋ رەسۋرستارى, ادىلەت, وڭىرلىك دامۋ مينيسترلىكتەرىنىڭ, ۇكىمەتتىك ەمەس جانە حالىقارالىق ۇيىمداردىڭ وكىلدەرى, بەلگىلى عالىمدار مەن فەرمەرلەر قاتىستى.
قۇتتىقتاۋ كوز سويلەگەن پارلامەنت سەناتى توراعاسىنىڭ ورىنباسارى قايرات يششانوۆ قازاقستان پرەزيدەنتى نۇرسۇلتان نازارباەۆتىڭ «قازاقستان-2050» ستراتەگياسىندا اۋىل شارۋاشىلىعىن اۋقىمدى جاڭعىرتۋ ءجونىندەگى العا قويعان مىندەتتەرىنە نازار اۋداردى. ق.يششانوۆ اگرارلىق كەشەن الدىندا الەمدىك ازىق-ت ۇلىك نارىعىندا جاھاندىق تۇرعىداعى ورىنعا يە بولۋ, قوجالىقتار مەن اۋىل شارۋاشىلىعىندا وڭدەۋشى شاعىن جانە ورتا بيزنەستى دامىتۋ, سونداي-اق, 2050 جىلى ەلىمىزدىڭ ىشكى جالپى ونىمىندە اۋىل شارۋاشىلىعىنىڭ ۇلەسىن 5 ەسە ۇلعايتۋ ماقساتى تۇرعانىن اتاپ ءوتتى.
«جالپى العاندا, اگروونەركاسىپ كەشەنىن قازىرگى الەمدىك جاھاندانۋ جاعدايىندا دامىتۋ ماسەلەلەرى زاڭنامالىق, ەكونوميكالىق جانە قارجىلاندىرۋ تەتىكتەرىنىڭ جان-جاقتى, ۇيلەسىمدى قولدانىلۋىن تالاپ ەتەدى, بۇل رەتتە مەملەكەتتىك ورگاندار مەن ءار-ءتۇرلى قوعامدىق ۇيىمداردىڭ ءوزارا بىرلەسكەن ءىس-قيمىلى قاجەتتىلىگىن اتاپ ايتقىم كەلەدى», دەدى توراعا ورىنباسارى.
اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ توراعاسى سەرگەي كۋلاگين «اۋىل شارۋاشىلىعى كووپەراتسياسى تۋرالى» بىرىڭعاي زاڭ ازىرلەۋ قاجەتتىگىنە نازار اۋداردى.
تالقىلاۋ بارىسىندا ءدوڭگەلەك ۇستەلگە قاتىسۋشىلار قازاقستان رەسپۋبليكاسىندا كووپەراتسيا ماسەلەلەرىن زاڭنامالىق تۇرعىدا جەتىلدىرۋ ۇساق اۋىل شارۋاشىلىعى ونىمدەرىن وندىرۋشىلەر مەن فەرمەردىڭ مۇددەلەرىنە وراي ۋاقىتىندا كوتەرىلىپ وتىرعانىن جانە قاجەت ەكەندىگىن اتاپ ءوتتى. سەناتورلار وسى سالاداعى زاڭ شىعارۋ جونىندەگى ءوز ويلارىن ورتاعا سالدى. دوڭگەلەك ۇستەل وتىرىسى بارىسىندا ايتىلعان ۇسىنىستار ۇكىمەتكە جولداناتىن بولدى.