ورال قالاسىندا «لادا كالينا» كولىگى مەن موتوتسيكل سوقتىعىستى, دەپ حابارلايدى Egemen.kz.
بقو پوليتسيا دەپارتامەنتىنىڭ ءباسپاسوز قىزمەتىنەن ءمالىم ەتكەندەي, وقيعا 16 ماۋسىمعا قاراعان ءتۇنى ساعات 23.50-دە سامارا-شىمكەنت اۆتوجولىندا تەرەكتى اۋدانى پودستەپنىي اۋىلى باعىتىندا بولدى.
«پوليتسيا بەكەتىنە جەتپەي بولعان جول اپاتىنان موتوتسيكلدىڭ 1988 جىلعى جۇرگىزۋشىسى وقيعا ورنىندا كوز جۇمدى. جەڭىل كولىكتىڭ 1977 جىلعى جۇرگىزۋشىسى ءتۇرلى دەنە جاراقاتتارىمەن جانە سۇيەك سىنىقتارىمەن اۋرۋحاناعا جەتكىزىلدى. قازىر اتالعان دەرەك بويىنشا قر قك 345-بابى 3-بولىگىنە سايكەس سوتقا دەيىنگى تەرگەۋ امالدارى جۇرگىزىلۋدە», دەپ حابارلادى ۆەدومستۆودان.
كولىكتەردىڭ قانداي جىلدامدىقپەن جۇرگەنى, باسقا دا ءمان-جاي تەرگەۋ بارىسىندا انىقتالادى.
بقو دەنساۋلىق ساقتاۋ باسقارماسى ءباسپاسوز قىزمەتىنىڭ ناقتىلاۋىنشا, وبلىستىق كوپبەيىندى اۋرۋحاناعا جەتكىزىلگەن 1977 جىلعى ەر ادامنىڭ الدىن الا دياگنوز بويىنشا ومىرتقاسى سىنعان.