مايمىل شەشەگى الەمنىڭ 39 مەملەكەتىنەن انىقتالدى, دەپ حابارلايدى Egemen.kz دۇنيەجۇزىلىك دەنساۋلىق ساقتاۋ ۇيىمىنىڭ (ددۇ) سايتىنا سىلتەمە جاساپ.
ددۇ الەمدە مايمىل شەشەگىنىڭ تاراۋ جاعدايىن تالقىلاۋ ماقساتىندا توتەنشە كوميتەت وكىلدەرىنىڭ باسىن قوسپاق.
ددۇ-نىڭ باس ديرەكتورى تەدروس ادان گەبرەيەسۋس مايمىل شەشەگىنىڭ تاراۋ قارقىنى الاڭداتارلىق جاعدايدا ەكەنىن ايتتى. كوميتەت ماجىلىسىندە مايمىل شەشەگىنىڭ الەم تۇرعىندارىنا قاۋىپى تالقىلاندى.
حالىقارالىق ۇيىمنىڭ باس ديرەكتورىنىڭ سوزىنشە, ددۇ وكىلدەرى مايمىل شەشەگىنەن جاپپاي ۆاكتسينالانۋدىڭ قاجەتى جوق ەكەنىن ايتىپ وتىر.
جىل باسىنان بەرى الەمنىڭ 39 مەملەكەتىندە اتالعان دەرتتى جۇقتىرعاندار سانى 1,6 مىڭ ادامدى قۇراپ وتىر, تاعى 1,5 مىڭ ادام اۋرۋدى جۇقتىرۋى مۇمكىن دەگەن بولجام بار.
وسىعان دەيىن مايمىل شەشەگىن جۇقتىرعاندار سانى ەۋروپا مەن سولتۇستىك امەريكادا 780-گە دەيىن كوبەيگەنى ايتىلدى.