جىل باسىنان بەرى 5,3 ترلن تەڭگەگە 328,5 مىڭ مەملەكەتتىك ساتىپ الۋ ءراسىمى تەكسەرىلدى. بۇل تۋرالى پرەمەر-ءمينيستردىڭ ورىنباسارى – قارجى ءمينيسترى ەرۇلان جاماۋباەۆ ايتتى, دەپ حابارلايدى Egemen.kz.
«بيىلعى 5 ايدا 5,3 ترلن تەڭگەدەن استام سوماعا 328,5 مىڭ مەملەكەتتىك ساتىپ الۋ ءراسىمى كامەرالدىق باقىلاۋمەن قامتىلدى. تەكسەرۋ قورىتىندىلارى بويىنشا 26 145 ءراسىمنىڭ بۇزىلعانى انىقتالدى, ونىڭ ىشىندە مەملەكەتتىك اۋديت وبەكتىلەرى بۇزۋلاردى جويۋ تۋرالى حابارلامالاردىڭ 93%-ىن ورىندادى», دەدى قارجى ءمينيسترى ۇكىمەتتىڭ بۇگىنگى وتىرىسىندا.
سپيكەردىڭ ايتۋىنشا, 957 اۋديتورلىق ءىس-شارا وتكىزىلدى. شامامەن 1,9 ترلن تەڭگە بيۋدجەت قاراجاتى اۋديتپەن قامتىلدى.
«وسىلايشا 80 ملرد تەڭگەگە قارجىلىق بۇزۋشىلىقتار انىقتالدى. تاۋارلاردى جەتكىزۋ, قىزمەتتەردى كورسەتۋ جانە جۇمىستاردى ورىنداۋ, بيۋدجەتكە وتەۋ جانە ەسەپكە الۋ جولىمەن 71 ملرد تەڭگەنىڭ بۇزۋشىلىقتارى جويىلدى. اۋديت وبەكتىلەرى قىزمەتىن جەتىلدىرۋ جانە تيىمدىلىگىن ارتتىرۋ ءۇشىن 817 ۇسىنىم بەرىلدى», دەدى ەرۇلان جاماۋباەۆ.
ايانا توعانبەك