استانا. 23 ءساۋىر. وڭتۇستىك قازاقستان وبلىسى سارىاعاش اۋدانىندا تاسباقالاردى الىپ بارا جاتقان ادامدار قولعا ءتۇستى. بۇل تۋرالى ۇلتتىق قاۋىپسىزدىك كوميتەتى شەكارا قىزمەتىنىڭ ءباسپاسوز قىزمەتى حابارلادى.
شەكاراشىلار «كەلەس-سارىاعاش» باعىتىنداعى پويىزدىڭ جۇك ۆاگونىن تەكسەرۋ كەزىندە وندا اپارىلا جاتقان سالماعى 3 تسەنتنەرگە جۋىق تاسباقاعا كەزىكتى. ولار جەتى قاپقا تىعىزدالىپ سالىنىپتى. ەندى بولماعاندا, تۇنشىعىپ ولۋگە قاراعان جاندىكتەر قاپتىڭ اۋزىن اشقاننان كەيىن عانا ەركىن تىنىس الا باستادى.
ءسويتىپ, سۋىق قولدى سۇعاناقتاردىڭ تۇتقىنىنا تاپ بولىپ, ساتىلۋعا الىپ بارا جاتقان تاسباقالار شەكارا قىزمەتكەرلەرىنىڭ ارقاسىندا قايتادان بوستاندىققا جىبەرىلدى.
الەكساندر تاسبولاتوۆ.
دەرەككوز: شەكارا قىزمەتىنىڭ ءباسپاسوز قىزمەتى.
فوتو: www.smolzoo.ru.