دارىلىك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعى تولىق جاسالماعان جانە ىسكە قوسىلمايتىن باعدارلامالىق جاساقتاما ءۇشىن 726,3 ملن تەڭگە جۇمساعان. ەسەپ كوميتەتى قر دەنساۋلىق ساقتاۋ مينيسترلىگىنىڭ ۆەدومستۆولىق باعىنىستى ۇيىمدارىنا بولىنگەن بيۋدجەت قاراجاتىن پايدالانۋ تيىمدىلىگىنە جۇرگىزىلگەن اۋديت دەرەكتەرىن جاريالادى, دەپ حابارلايدى Egemen.kz.
باعدارلامالىق جاساقتاما وندىرىستىك قىزمەتتە پايدالانىلمايدى جانە ونى ەسەپتەن شىعارۋ قاراستىرىلىپ وتىر.
بۇدان باسقا, دارىلىك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعى بالامالى دارىلىك زاتتاردىڭ شەكتى باعالارىن بىرەگەي دارىلىك زاتتاردىڭ باعاسىنان اساتىن مولشەردە بەكىتكەن. جالپى 2019-2021 جىلدارعا اۋديت قورىتىندىسى بويىنشا ەسەپ كوميتەتى 5,8 ملرد تەڭگەگە قارجىلىق بۇزۋلاردى انىقتادى. ولاردىڭ باسىم بولىگى (5 ملرد تەڭگە) بۋحگالتەرلىك ەسەپ جۇرگىزۋ جانە قارجىلىق ەسەپتىلىك كەزىندە جاسالعان.
سونداي-اق, 7,5 ملرد تەڭگەگە بيۋدجەت قاراجاتىن ءتيىمسىز جوسپارلاۋ جانە پايدالانۋ, 61,2 ملن تەڭگەگە – شىعىندار مەن پايدانى جىبەرىپ الۋ جاعدايلارى انىقتالدى.