بيىل اگرارشىلار ەگىن ەگۋدى قاتاڭ وڭتايلى مەرزىمدە اياقتادى. توپىراقتا جينالعان ىلعالدى ساقتاۋ جۇمىستارى ۋاقىتىندا جۇرگىزىلدى. «قازگيدرومەتتىڭ» ماۋسىم ايىنا جاساعان بولجامى دا قولايلى بولدى.
اۋىل شارۋاشىلىعى ءمينيسترى ەربول قاراشوكەەۆتىڭ ايتۋىنشا, وسى فاكتورلاردىڭ بارلىعى قازىرگى ۋاقىتتا استىق ءتۇسىمىن ورتاشا جىلدىق كولەم دەڭگەيىندە بولجاۋعا مۇمكىندىك بەرەدى.
– ەگەر بيداي تۋرالى ايتاتىن بولساق, جالپى جيىن-تەرىم 13-13,5 ملن توننا دەڭگەيىندە بولادى دەپ بولجاپ وتىرمىز. بۇل وتكەن جىلعى ونىمنەن شامامەن 15 پايىزعا ارتىق, – دەيدى مينيستر.
«قازگيدرومەتتىڭ» مالىمەتتەرى بويىنشا, ەگىننىڭ ءوسىمى ءۇشىن قولايلى اۋا رايى بولادى دەپ كۇتىلۋدە. بارلىق استىق ەگەتىن ايماقتاردا جاۋىن-شاشىن كۇتىلىپ وتىر. سونىمەن قاتار وڭتۇستىك وڭىرلەردە ىلعالمەن قامتاماسىز ەتۋ تاپشىلىعى بايقالادى. وسىعان بايلانىستى وڭتۇستىك وڭىرلەردىڭ اكىمدەرى سۋمەن قامتاماسىز ەتۋ شارالارىن (ليميتتەردى ساقتاۋ, ءتۇسىندىرۋ جۇمىستارىن جۇرگىزۋ) ۋاقتىلى قابىلداۋى قاجەت.
ونىمدىلىكتى ساقتاۋ مەن ارتتىرۋدىڭ ماڭىزدى قادامى – وسىمدىكتەردى قورعاۋ شارالارى. وسىعان بايلانىستى وبلىس اكىمدەرى ارامشوپتەر مەن زيانكەستەرگە قارسى حيميالىق وڭدەۋ جۇرگىزۋدى باقىلاۋعا الۋعا ءتيىس.
وبلىس اكىمدىكتەرىنىڭ جەدەل دەرەكتەرىنە سايكەس 7-ماۋسىمداعى جاعداي بويىنشا ءداندى داقىلداردى ەگۋ اقتوبە (97,7%) جانە باتىس قازاقستان (86,2%) وبلىستارىنان باسقا بارلىق وبلىستا اياقتالعان. اتالعان وبلىستاردا ەگىس جۇمىستارى ەگىس كەزەڭىندە قاتتى جاۋىن-شاشىنعا بايلانىستى كەيىنگە قالدىرىلعان ەدى.
جازدىق داقىلدار 19,8 ملن گەكتار القاپقا ەگىلدى. بۇل بەلگىلەنگەن جوسپاردان ءسال ارتىق. جوسپار – 19 835,3 مىڭ گەكتار. كارتوپ – 189,6 مىڭ گەكتارعا (99,4%, جوسپار 190,7 مىڭ گەكتار), كوكونىس, باقشا داقىلدارى – 269,2 مىڭ گەكتارعا (97,4%, جوسپار 276,5 مىڭ گەكتار), كوپجىلدىق شوپتەر – 429,6 مىڭ گەكتارعا (99,7%, جوسپار 430,7 مىڭ گەكتار) ەگىلدى.
مايلى داقىلدار 3,1 ملن گەكتارعا (جوسپار 3 094 مىڭ گەكتار), قانت قىزىلشاسى – 12,3 مىڭ گەكتارعا (جوسپار 11,1 مىڭ گەكتار), ماقتا – 121,1 مىڭ گەكتارعا (جوسپار 114,7 مىڭ گەكتار) ەگىلدى.
جالپى ەگىس القابى 23,1 ملن گەكتاردى قۇرادى. بۇل 2021 جىلدىڭ كورسەتكىشىنەن 105 مىڭ گەكتارعا ارتىق.
وسى جىلى ەگىس جۇمىستارىن جۇرگىزۋگە (اقپان – ماۋسىم كەزەڭىنە) 400,2 مىڭ توننا كولەمىندە ديزەل وتىنى ءبولىندى. بۇل وتكەن جىلمەن سالىستىرعاندا 20 مىڭ تونناعا ارتىق.
ەسەپتىك دەرەكتەرگە سايكەس تۇقىم سەبۋ جوسپارى تولىقتاي ورىندالدى. تۇقىم تاپشىلىعى, ونىڭ ىشىندە رەسەيلىك سەلەكتسياسى بويىنشا تاپشىلىق بايقالمادى.
وبلىس اكىمدىكتەرىنىڭ دەرەكتەرى بويىنشا, بيىل شامامەن 670,2 مىڭ توننا تىڭايتقىش ەنگىزۋ جوسپارلانعان. كورسەتكىش وتكەن جىلمەن سالىستىرعاندا 43,7 مىڭ تونناعا ارتىق. 7 ماۋسىمداعى جاعداي بويىنشا اگرارشىلارعا 396,1 مىڭ توننا مينەرالدى تىڭايتقىشتار تيەلدى. بارلىعى 478,3 مىڭ توننا مينەرالدى تىڭايتقىشتاردى تيەۋگە شارتتار جاسالدى. قالعان جوسپارلانعان تىڭايتقىش كولەمى كۇزدە ەنگىزىلەدى.
بيىل «اگرارلىق نەسيە كورپوراتسياسى» جەلىسى بويىنشا كوكتەمگى ەگىس جانە ەگىن جيناۋ جۇمىستارىنا 140 ملرد تەڭگە قاراستىرىلعان. بۇل جەردە قوسىمشا 70 ملرد تەڭگە كولەمىندەگى قارجى ۇكىمەت تاراپىنان بەرىلگەنىن اتاپ ءوتۋ قاجەت. بۇگىندە «كەڭ دالا» باعدارلاماسى اياسىندا 84,1 ملرد تەڭگەگە 3 مىڭنان استام اۋىل شارۋاشىلىعى تاۋار ءوندىرۋشى قارجىلاندىرىلعان. اتالعان باعدارلاما بويىنشا, ونىڭ ىشىندە وسىمدىكتى قورعاۋ ءىس شارالارىن جۇرگىزۋگە, سونداي-اق ەگىن جيناۋ جۇمىستارىنا نەسيەلەندىرۋ جالعاساتىن بولادى.
بۇگىندە «ازىق-ت ۇلىك كەلىسىمشارت كورپوراتسياسى» فورۆاردتىق ساتىپ الۋ شەڭبەرىندە 80 ملرد تەڭگەگە 303 اۋىل شارۋاشىلىعى تاۋارىن ءوندىرۋشىنىڭ 441 ءوتىنىمىن قارجىلاندىردى.