ازاماتتىق نەكەدەگى كۇيەۋىن ولتىرگەن ايەل قامالدى

وبلىستىق پوليتسيا دەپارتامەنتىنىڭ مالىمەتىنشە, 3 ماۋسىم كۇنى ساعات 17.00 شاماسىندا تاراز قالاسىنىڭ 2-پوليتسيا بولىمىنە قالالىق №1 اۋرۋحاناسىنان حابار تۇسكەن. وندا 47 جاستاعى جەرگىلىكتى تۇرعىننىڭ دەنە جاراقاتىمەن تۇسكەنى ايتىلعان.

ەر ادام كەلەسى كۇنى جانساقتاۋ بولىمىندە ەسىن جيماستان قايتىس بولدى.

«اتالعان دەرەك بويىنشا جۇرگىزىلگەن جەدەل ىزدەستىرۋ شارالارىنىڭ ناتيجەسىندە وسى قىلمىسقا قاتىسى بار دەگەن كۇدىكپەن جابىرلەنۋشىنىڭ 43 جاستاعى ازاماتتىق نەكەدەگى ايەلى ۇستالدى. ول كىناسىن تولىق مويىنداپ, ۋاقىتشا ۇستاۋ يزولياتورىنا قاماۋعا الىندى»,  دەيدى پوليتسيا دەپارتامەنتىنىڭ ءباسپاسوز حاتشىسى گۇلسارا مۇحتارقۇلوۆا.

كۇدىكتى بۇرىن سوتتى بولماعان. قازىرگى ۋاقىتتا اتالعان دەرەككە قاتىستى قر قىلمىستىق كودەكسىنىڭ 99-بابى 1-بولىگىمەن سوتقا دەيىنگى تەرگەۋ امالدارى ءجۇرىپ جاتىر.