ەكاتەرينبۋرگتە ۆەيپ (ەلەكتروندى تەمەكى) جارىلىپ كەتىپ ءجاسوسپىرىم الدىڭعى تىستەرىنەن ايىرىلىپ قالدى, دەپ حابارلايدى Egemen.kz.
پوليتسيا مالىمەتىنشە, 15 جاستاعى ءجاسوسپىرىم دوسىنان ەلەكتروندى تەمەكى الىپ, ۇيدە ەشكىم بولماعان كەزدە تۇتىنعان.
ء«جاسوسپىرىمنىڭ اۋىز قۋىسىندا قاتتى اۋىرسىنۋ سەزىنىپ, قان كەتكەن. كامەلەتكە تولماعان بالانىڭ الدىڭعى بەس ءتىسىنىڭ جوق ەكەنى انىقتالدى», دەلىنگەن حابارلامادا.
اتا-اناسىنىڭ جازاسىنان قورىققان بالا, العاشىندا بۇل تۋرالى ەشكىمگە ءتىس جارماعان. الايدا كوپ ۇزاماي اناسىنا بولعان جايدى بايانداپ بەرگەن.
وقيعا سالدارىنان, ءجاسوسپىرىمنىڭ ۇستىڭگى-استىڭعى ەرنى جىرتىلىپ, الدىڭعى تىستەرى سىنىپ, بىلەگى كۇيىپ قالعان. اتالعان فاكتى بويىنشا ىشكى ىستەر مينيسترلىگى تەرگەۋ جۇمىستارىن باستادى.
ايتا كەتسەك, قازاقستاندا «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسكە ۆەيپتەردى ساتۋعا جانە پايدالانۋعا تىيىم سالاتىن تۇزەتۋلەر ەنگىزىلمەكشى.
سالتانات كەنجەباي