بۇگىننەن باستاپ ەلىمىزدەن اعاش ماتەريالدارىنىڭ جەكەلەگەن تۇرلەرىن اكەتۋگە تىيىم سالىندى, دەپ حابارلايدى Egemen.kz مەملەكەتتىك كىرىستەر كوميتەتىنە سىلتەمە جاساپ.
بۇل شارا وتاندىق اعاش وڭدەۋ ونەركاسىبىن دامىتۋ جانە اعاش ونىمدەرىن زاڭسىز اكەتۋگە جول بەرمەۋ ماقساتىندا ەنگىزىلدى.
شەكتەۋ 2022 جىلعى 8 ماۋسىمدا كۇشىنە ەنگەن «اعاش ماتەريالدارىنىڭ جەكەلەگەن تۇرلەرىن اكەتۋدى رەتتەۋدىڭ كەيبىر ماسەلەلەرى تۋرالى» قازاقستان رەسپۋبليكاسى يندۋستريا جانە ينفراقۇرىلىمدىق دامۋ ءمينيسترىنىڭ 2022 جىلعى 7 ماۋسىمداعى № 322 بۇيرىعىمەن ەنگىزىلگەن.
اتالعان بۇيرىق التى اي قولدانىستا بولادى.
بۇعان دەيىن قولدانىستا بولعان «اعاش ماتەريالدارىنىڭ جەكەلەگەن تۇرلەرىن اكەتۋدى رەتتەۋدىڭ كەيبىر ماسەلەلەرى تۋرالى» قازاقستان رەسپۋبليكاسى يندۋستريا جانە ينفراقۇرىلىمدىق دامۋ ءمينيسترىنىڭ 2021 جىلعى 23 قاراشاداعى № 611 بۇيرىعىمەن ەل اۋماعىنان اعاش ماتەريالدارىنىڭ جەكەلەگەن تۇرلەرىن اكەتۋگە تىيىم سالۋ 2021 جىلعى 7 جەلتوقساننان باستاپ 2022 جىلعى 7 ماۋسىمدى قوسا العاندا قولدانىلعان ەدى.