شەت اۋدانىندا ۇزدىك بالالار ۆەلوسيپەد ءمىندى

كەنتتەگى  ستاديوندى حالايىققا لىق تولتىرعان بۇل جيىندا ءارتۇرلى شىعارماشىلىق بايقاۋلاردا, سپورتتىق جارىستاردا جۇلدەلى ورىندار الىپ, اۋدان مەن وبلىستىڭ مەرەيىن اسقاقتاتىپ جۇرگەن شاكىرتتەرگە سىي-قۇرمەت كورسەتىلدى.

اتاپ ايتقاندا, ماسكەۋ قالاسىندا ونلاين رەجىمىندە وتكەن حالىقارالىق «ماتەماتيكا جانە جوبالاۋ» كونكۋرسىنىڭ ءىىى دارەجەلى ديپلوم يەگەرى, الماتى قالاسىندا وتكەن ومىربەك جولداسبەكوۆ اتىنداعى ماتەماتيكا جانە مەحانيكادان حالىقارالىق عىلىمي جوبالار كونكۋرسىنىڭ قولا جۇلدەگەرى  ج.اقىلباەۆ اتىنداعى مەكتەپ-گيمنازيانىڭ 10-سىنىپ وقۋشىسى ارۋجان  تەمىرلان «جاس عالىم» اتالىمى بويىنشا, قانيپا بىتىباەۆا اتىنداعى رەسپۋبليكالىق قازاق ءتىلى مەن ادەبيەتى پاندەرى وليمپياداسىنىڭ قولا جۇلدەگەرى ج.اقىلباەۆ اتىنداعى مەكتەپ-گيمنازيانىڭ 9-سىنىپ وقۋشىسى ارۋجان تولەۋتاەۆا «وليمپيادا جۇلدىزى» نوميناتسياسى بويىنشا ماراپاتتالدى.

ال «ونەرلى ونەرپاز» اتالىمى بويىنشا اقسۋ-ايۋلىداعى س.مۇقامەدجانوۆ اتىنداعى بالالار ونەر مەكتەبىنىڭ  ۆوكال سىنىبىنىڭ 5-سىنىپ وقۋشىسى نۇرايلىم ايبەكوۆا  وبلىستىق «تۋعان ەلىمە مىڭ العىس» اتتى پاتريوتتىق اندەر بايقاۋىندا 1-ورىن العان جەتىستىگى ءۇشىن سىي-قۇرمەت كورسە, شىمكەنتتە وتكەن اسىق اتۋدان ۇلتتىق مەكتەپ ليگاسى ەل چەمپيوناتىندا قولا جۇلدە العان ءاليحان نەگىزگى ورتا مەكتەبىنىڭ 7-8-سىنىپ وقۋشىلارى  حانشايىم تۇرىمتاي, راۋان جەڭىس, ىڭكار باتاي, گۇلسايا ءماجيت, ينابات ءماجيت «سپورت ساڭلاقتارى»  نوميناتسياسى بويىنشا ماراپاتتالدى.

سونداي-اق, «وقۋلار جەڭىمپازى» اتالىمىندا وبلىستىق ء«ىلياس وقۋلارىنىڭ» 1-ورىن يەگەرى جانە تالدىقورعان قالاسىندا وتكەن رەسپۋبليكالىق ء«ىلياس جانسۇگىروۆ وقۋلارىنا» قاتىسىپ, ىنتالاندىرۋ سىيلىعىنا يە بولعان كيىكتى اۋىلىنداعى س.مۇقامەدجانوۆ اتىنداعى جالپى ءبىلىم بەرەتىن مەكتەپتىڭ 11-سىنىپ وقۋشىسى ەرسۇلتان نۇرتاي ۇزدىك شىقتى.

بۇدان بولەك, قامقورشىلىق  پەن قورعانشىلىق پاتروناتتىق تاربيەدەگى ءتورت بالاعا دا سىي-سياپات جاسالدى.

شەت اۋدانىنىڭ جاقسى اتىن وبلىس پەن ەل كولەمىندە شىعارعان ۇل-قىزعا جەرگىلىكتى كاسىپكەرلەردىڭ دەمەۋشىلىك ەتۋىمەن ۆەلوسيپەدتەر سىيعا تارتىلدى. جومار جانداردىڭ قاتارىندا «تازالىق» جشس ديرەكتورى عازيز ءامىروۆ, اۋداندىق كاسىپوداق ۇيىمىنىڭ توراعاسى قايرات بيعوجي, جەكە كاسىپكەرلەر مۇرات ابەنوۆ, قايرات قانجانوۆ, اسەل مىرزاعاليەۆا, اناريا يسينا, مەيرامبەك وسپانوۆ, ايدىن تەلپەكباەۆ, الماس اۋپەشوۆ, ماقپال ساتتىباەۆا جانە باسقالار بولدى.

شەت اۋداندىق ءبىلىم ءبولىمىنىڭ باسشىسى ەلدوس سماعۇلوۆ قايىرىمدى ىستەن قاعىس قالماي, ەلدىڭ ەرتەڭىنە بالاعان جاس وسكىننىڭ الدىندا جولىنان جىعىلماعان جومارت جاندارعا العىس ايتىپ, ريزاشىلىعىن ءبىلدىردى.

ودان كەيىن, اۋداندىق اكىمدىك تاراپىنان بالالارعا بازارلىق رەتىندە تەگىن بالمۇزداق تاراتىلدى.

مەرەكەلىك جيىننىڭ سوڭىنا تامان جيىلعان قاۋىم ونەرلى بالالار سالعان اسەم ءاندى تىڭداپ, مىڭ بۇرالعان ءبيدى تاماشالاپ, جوعارى دەڭگەيدە ۇيىمداستىرىلعان ءىس-شاراعا ريزاشىلىقپەن تاراستى.