ەلىمىزدە «2022-2024 جىلدارعا ارنالعان رەسپۋبليكالىق بيۋدجەت تۋرالى» زاڭعا ەنگىزىلگەن وزگەرىستەرگە سايكەس, بيىل 1 ساۋىردەن باستاپ ايلىق ەسەپتىك كورسەتكىش, ەڭ تومەنگى زەينەتاقى, بازالىق زەينەتاقىنىڭ ەڭ تومەنگى مولشەرى, ەڭ تومەنگى كۇنكورىس دەڭگەيى ءوستى.
«ازاماتتارعا ارنالعان ۇكىمەت» شىعىس قازاقستان وبلىسى بويىنشا فيليالىنىڭ مالىمەتىنە سايكەس, 1 ساۋىردەن باستاپ ايلىق ەسەپتىك كورسەتكىش – 3180 تەڭگە (3063 تەڭگە 01.01.2022ج. باستاپ), ەڭ تومەنگى زەينەتاقى – 48032 تەڭگە (46302), بازالىق زەينەتاقىنىڭ ەڭ تومەنگى مولشەرى – 20 191 تەڭگە (19450), ەڭ تومەنگى كۇنكورىس دەڭگەيى – 37 389 تەڭگە (36018), ەڭ تومەنگى جالاقى – 60000 تەڭگە (60000) بولدى.
مۇگەدەكتىگى بويىنشا, اسىراۋشىسىنان ايىرىلعانداردىڭ مەملەكەتتىك الەۋمەتتىك جاردەماقىلار دا ءوستى. مىسالى, ءى توپتاعى مۇگەدەككە بەرىلەتىن جاردەماقى 69 155-تەن 71 787 تەڭگەگە ءوستى. جاڭا تۋعان بالاعا بەرىلەتىن بىرجولعى جاردەماقى 116 394 تەڭگەدەن 120 840-قا ءوستى. ءتورتىنشى بالاعا 192 969-دان 200 340 تەڭگە بولدى. سونداي-اق 1 ساۋىردەن باستاپ, وسىعان دەيىن تاعايىندالعان جاسىنا بايلانىستى جانە ەڭبەك سىڭىرگەن جىلدارى ءۇشىن زەينەتاقى تولەمى 4%-عا ارتتى. ونىڭ مولشەرىن ەسەپتەۋ ءۇشىن ەسكەرىلەتىن ەڭ جوعارى تابىس 46 ەسەلەنگەن اەك-تەن اسپاۋى كەرەك. ياعني, 146 280 تەڭگە. 2022 جىلى 1 قاڭتاردا بۇل كورسەتكىش 140 898 تەڭگەنى قۇرادى.
«ازاماتتارعا ارنالعان ۇكىمەت» مەملەكەتتىك كورپوراتسياسى» كە اق-نىڭ شىعىس قازاقستان وبلىسى بويىنشا فيليالى ديرەكتورىنىڭ ورىنباسارى جانات ومىرعاليەۆانىڭ ايتۋىنشا, شىعىس قازاقستان وبلىسىندا 232 مىڭعا جۋىق زەينەتكەردىڭ زەينەتاقىسى وسكەن. ونىڭ ىشىندە وسكەمەندە 67 574, ال سەمەي قالاسىندا 55 525 زەينەتكەر.
«مۇگەدەكتىگى بويىنشا 38 631 جانە اسىراۋشىسىنان ايىرىلعان 14 759 ادامنىڭ جاردەماقىسى ارتقان. جالپى بۇگىنگى كۇنى شقو بويىنشا ارناۋلى مەملەكەتتىك جاردەماقى الۋشىلار – 41 600, كوپبالالى وتباسىلار – 18 861, كوپبالالى انالار, القامەن ماراپاتتالعاندار – 12 332, بالا بiر جاسقا تولىق تولعانعا دەيiن ونىڭ كۇتiمiنە بايلانىستى جاردەماقى الۋشىلار – 2403-ءدى قۇرايدى», دەدى ج.ومىرعاليەۆا.
بۇعان قوسا وبلىس بويىنشا 19 125 ادام مەملەكەتتىك الەۋمەتتىك ساقتاندىرۋ قورىنان بالا بiر جاسقا تولعانعا دەيiنگى كۇتiمiنە بايلانىستى تابىسىنان ايىرىلعان جاعدايعا بايلانىستى الەۋمەتتىك تولەم الادى.
سونداي-اق مەملەكەتتىك كورپوراتسيامەن كورسەتىلەتىن 44 مەملەكەتتىك قىزمەت تۇرىنە ەلەكتروندى تۇردە ونلاين ءوتىنىش بەرۋگە بولاتىنىن. ول ءۇشىن قىزمەت الۋشىلاردىڭ ۇيالى تەلەفون نومىرلەرى مىندەتتى تۇردە ءموبيلدى ازاماتتار بازاسىنا (ماب) تىركەلۋى كەرەك ەكەنىن جەتكىزدى.
شىعىس قازاقستان وبلىسى