قر ۇلتتىق بانكىنىڭ اقشا-كرەديت ساياساتى جونىندەگى كوميتەتى بازالىق مولشەرلەمەنى +/– 1 پ. پ. پايىزدىق دالىزىمەن جىلدىق 14% دەڭگەيىندە بەلگىلەۋ تۋرالى شەشىم قابىلدادى, دەپ حابارلايدى Egemen.kz.
ورتالىق بانكتە اتاپ وتكەندەي, وتىمدىلىكتى ۇسىنۋ بويىنشا تۇراقتى قولجەتىمدىلىك وپەراتسيالارى بويىنشا مولشەرلەمە 15%-دى, ال وتىمدىلىكتى الۋ بويىنشا تۇراقتى قولجەتىمدىلىك وپەراتسيالارى بويىنشا - 13%-دى قۇرايدى.
«شەشىم قىسقا مەرزىمدى جانە ورتا مەرزىمدى پەرسپەكتيۆادا ينفلياتسيا تاۋەكەلدەرىنىڭ اعىمداعى بالانسىن, سونداي-اق ۇلتتىق بانكتىڭ جاڭارتىلعان بولجامدارىن ەسكەرە وتىرىپ قابىلداندى. جاڭا وزگەرىستەر بولماعان جاعدايدا بازالىق مولشەرلەمەنىڭ وسى دەڭگەيى 2024 جىلعا قاراي ينفلياتسيانىڭ بىرقالىپتى تومەندەۋىن قامتاماسىز ەتەدى. اقشا-كرەديت جاعدايلارىن قالىپقا كەلتىرۋ 2023 جىلى ينفلياتسيالىق پروتسەستەردىڭ باياۋلاۋىنا قاراي جۇرگىزىلەدى», دەلىنگەن ۇلتتىق بانكتىڭ ءباسپاسوز قىزمەتى تاراتقان حابارلامادا.
ورتالىق بانك سونداي-اق بازالىق مولشەرلەمە بويىنشا ودان ءارى شەشىمدەر ينفلياتسيانىڭ ناقتى ديناميكاسىنىڭ بولجامدىق تراەكتورياسىنا جانە سىرتقى ورتا مەن ىشكى ەكونوميكاداعى تاۋەكەلدەردىڭ قالىپتاسقان تەڭگەرىمىنە سايكەس كەلۋىنە بايلانىستى قابىلداناتىنىن حابارلادى.
ۇلتتىق بانكتىڭ اقشا-كرەديت ساياساتى جونىندەگى كوميتەتىنىڭ بازالىق مولشەرلەمە بويىنشا كەزەكتى جوسپارلى شەشىمى 25 شىلدەدە نۇر-سۇلتان ۋاقىتى بويىنشا ساعات 15:00-دە جاريالانادى.