ءبىر اي ىشىندە پوليتسياعا مىڭنان استام قارۋ تاپسىرىلدى

ء«ىىم حالىقتان زاڭسىز ساقتالعان اتىس قارۋىن, وق-دارىلەر مەن جارىلعىش زاتتاردى ساتىپ الۋ جونىندەگى رەسپۋبليكالىق اكتسيانى جالعاستىرۋدا. قارۋ-جاراقتى ءوز ەركىمەن تاپسىرعانى ءۇشىن جاي-كۇيىنە بايلانىستى قارۋدىڭ ءاربىر بىرلىگى ءۇشىن 10-نان 100-گە دەيىنگى ايلىق ەسەپتىك كورسەتكىش سوماسىندا تولەم كوزدەلەدى», دەيدى ءىىم وكىلى.

ونىڭ ايتۋىنشا, اكتسيا وتكىزىلگەن ايدا پوليتسياعا 1192 دانا اتىس قارۋى ءوز ەركىمەن تاپسىرىلعان.

«وتكىزىلگەن قارۋدىڭ ىشىندە 1 اۆتوماتتى ويىق, 179 ويىق ۇزىن ۇڭعىلى, 4 ويىق قىسقا ۇڭعىلى, 996 تەگىس ۇڭعىلى, 12 تراۆماتيكالىق, 5 جارىلعىش قۇرىلعى جانە شامامەن 9,5 مىڭ ويىق ۇڭعىلى قارۋدىڭ پاتروندارى بار», دەدى ش. تۇرلىبەك.

ول قارۋ-جاراق زاتتارىن قابىلداۋ ءاربىر اۋماقتىق پوليتسيا ورگانىندا جۇرگىزىلەتىنىن ەسكە سالدى. جاراقاتتىڭ الدىن الۋ ءۇشىن ءىىم-دە جارىلعىش ماتەريالدار مەن وق-دارىلەرمەن ەشقانداي ارەكەت جاساماۋ ۇسىنىلادى.

تىركەلمەگەن اتىس قارۋىن, وق-دارىلەردى جانە جارىلعىش زاتتاردى ءوز ەركىمەن تاپسىرعان ازاماتتار قىلمىستىق جانە اكىمشىلىك جاۋاپكەرشىلىكتەن بوساتىلادى.